Yesaya 65:7 - BAIBLO ALOO NGMAMI KLƆUKLƆU Ɔ

⁷ ngɛ mɛ nitsɛmɛ, kɛ a nɛmɛ ɔmɛ a he yayami ɔmɛ tsuo a he. Ejakaa a ya sãã tsopa kɛ e he via ngɛ yo ɔmɛ a nɔ. A tuɔ munyu hu kɛ siɔ mi ngɛ yoku ɔmɛ a nɔ. Enɛ ɔmɛ tsuo a he ɔ, ma gbla a tue sisiisi bɔ nɛ sa.”

Yesaya 65:7 ပူးပေါင်းရင်းမြစ်များ

Yesaya 57:7

Nyɛ ya kuɔɔ yo gaga amɛ, ya sãã bɔ; nɛ nyɛ ya bɔɔ ajuama ngɛ lejɛ ɔmɛ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Yeremia 13:25

Yawɛ de to ke nɔ́ nɛ maa ba nyɛ nɔ ji nɛ ɔ nɛ. Bɔ nɛ e to nɛ e maa pee nyɛ ji nɛ ɔ nɛ, ejakaa nyɛ hɛ je e nɔ nɛ nyɛ ngɔ nyɛ hɛ ya fɔ lakpa níhi a nɔ.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

Daniel 9:8

Wa matsɛmɛ ɔmɛ, wa ganɔ ɔmɛ, kɛ wa nɛmɛ ɔmɛ tsu zo ní, nɛ a pee yayami kɛ si mo Nyɔmtsɛ ɔ.

Ezekiel 18:6

E ja we Israel amaga amɛ, nɛ e yi ní nɛ a kɛ sã bɔ ha mɛ ngɛ yo ɔmɛ a nɔ. Jehanɛ hu, e nyɛɛ we e nyɛminyumu e yo se nɛ e ble lɛ; nɛ e yɛ yo nɛ ku nine ngɔ.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yesaya 65:6

“I pee ye yi mi momo, nɛ i ngma ngɔ fɔ si ke i be ye nya mae hu; ma gbla a tue wawɛɛ kɛ to nane mi sisiisi

Yesaya 22:14

Kɛkɛ nɛ Yawɛ Tabohiatsɛ ɔ nitsɛ de mi ke, “A kɛ yayami nɛ a pee nɛ ɔ be mɛ pae a wami be ɔ tsuo. Imi, Nyɔmtsɛ Yawɛ Tabohiatsɛ ɔ lɛ i de.”

Matsɛmɛ II, 16:4

Ahaz sã bɔ, kɛ tsopa kɛ e he via ngɛ jami he ɔmɛ, ngɛ yoku ɔmɛ a nɔ, kɛ tsohi nɛ bɔ kusuu ɔ a sisi.

Matsɛmɛ II, 15:35

Se jami he ɔmɛ lɛɛ e puɛ we mɛ; lɔ ɔ he ɔ, ma a ya nɔ sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ. Yotam ji nɔ nɛ ma Yawɛ we ɔ omleyi je agbo ɔ nɛ.

Matsɛmɛ II, 14:4

Wɔ jami he ɔmɛ lɛɛ e puɛ we mɛ; lɔ ɔ he ɔ, ma a ya nɔ sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 12:3

Se wɔ jami he ɔmɛ ɔ, e puɛ we mɛ; enɛ ɔ he je ɔ, ma a sãã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ I, 22:43

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi. Se kɛ̃ ɔ, e hule we wɔ piɛ ɔmɛ, nɛ ma a ya nɔ sã bɔ, kɛ tsopa kɛ e he via ngɛ lejɛ ɔmɛ.

Mose IV, 32:14

Nɛ hyɛ, yayami peeli a nina, nyɛ hu nyɛ ba wo nyɛ nɛmɛ ɔmɛ a nane, nɛ nyɛ ngɛ pee, konɛ Yawɛ mi mi fumi nɛ nya wa a nɛ pa ba Israel nɔ ekohu!

Mose III, 26:39

Nyɛ nihi bɔɔ nɛ maa piɛ ngɛ nyɛ he nyɛli ɔmɛ a zugba a nɔ ɔ maa ta he lo ngɛ nyɛɛ kɛ nyɛ nɛmɛ ɔmɛ a he yayami ɔmɛ a he.

Luka 6:38

Nyɛɛ ke nyɛ sibi ní, nɛ Mawu hu maa ke nyɛ ní ja nɔuu. Ee, Mawu maa ke nyɛ ní kpakpahi babauu nɛ nyɛ nine be he kpee, níhi kaa blɛfo nɛ a gbee nɔ, nɛ a sa mi, nɛ a bo ngɔ wo kotoku mi bami, nɛ e hyi tɔ kɛ be nɔ. Susumi nɔ́ nɛ nyɛɛ kɛ susuɔ nɔ́ ha ni kpahi ɔ, lɔ ɔ nɔuu a kɛ ma susu ha nyɛ.”

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 13:11

Bɔ nɛ Yawɛ ngɛ dee ji nɛ ɔ nɛ: “Ma ha amanehlu maa ba je ɔ mi tsuo, nɛ ma gbla yiwutsotsɛmɛ tsuo a tue ngɛ a yayami ɔmɛ a he. Nɔ tsuaa nɔ nɛ woɔ e he nɔ ɔ, ma ba lɛ si; nɛ nɔ tsuaa nɔ nɛ peeɔ pupuupu, aloo e yi mi wa a, ma gbla e tue.

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Yesaya 30:13

Lɔ ɔ he ɔ, nyɛ yeɔ fɔ. Nyɛ ngɛ kaa gbogbo gojoo ko nɛ e mi gba kɛ je e yi mi kɛ ba ma si, nɛ kpa kasa, nɛ miɔ nɛ e ku kɛ pue si; tlukaa ngɛ hɛngmɛfia mi ɔ, e maa ku kɛ pue si bum!

Yesaya 30:14

E maa gbɛ tsɔkɔtsɔkɔ kaa zu buɛ; e maa ywia yayaa, bɔ nɛ a be ngɛyu bɔbɔyoo po nae ngɛ mi nɛ a kɛ je la, loo nɛ a kɛ yɛ nyu ngɛ nɔ́ mi.”

Yesaya 57:12

Nyɛ susuɔ kaa nɔ́ nɛ nyɛ ngɛ pee ɔ da, se ma ha nyɛ maa na paa kaa amaga amɛ nɛ nyɛ ngɛ a se nyɛɛe ɔ be nyɛe maa pee nɔ́ kpakpa ko ha nyɛ.

Yesaya 59:18

E maa gbla a tue kaa bɔ nɛ a pee ɔ pɛpɛɛpɛ kɛ to nane mi; nɛ ni nɛmɛ nɛ ngɛ ma se tsitsaa po be a he yee.

Yesaya 66:4

Lɔ ɔ he ɔ, imi hu ma ha amanehlu nɛ a ngɛ gbeye yee ɔ maa ba a nɔ. Ejakaa i tsɛ mɛ, se nɔ ko nɔ ko he we nɔ; i tu munyu, se a bui tue fɛɛ. Yayami mohu a pee ngɛ ye hɛ mi; nɛ níhi nɛ sɛ ye hɛ mi ɔ, lɔ ɔmɛ mohu a he a nya.”

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Hosea 11:2

Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

Matsɛmɛ I, 22:44

Yehoshafat kɛ Israel matsɛ ɔ hi si ngɛ tue mi jɔmi mi.

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”