Yesaya 65:2 - BAIBLO ALOO NGMAMI KLƆUKLƆU Ɔ

² Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yesaya 65:2 ပူးပေါင်းရင်းမြစ်များ

Romabi 10:21

Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Abɛ Womi 1:24

I hla nyɛ se blɔ, nɛ i tsɛ nyɛ si abɔ ke nyɛɛ ba ye ngɔ. Se nyɛ bui fɛɛ.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.

Yeremia 5:23

Se nyɛ kikɛmɛ a ma nɛ ɔ lɛɛ nimli nɛ a tsui kplii, kɛ atuã tsɔli ji nyɛ; nyɛ tsɔ ye hɛ mi atuã, nɛ nyɛ kua mi.

Yeremia 3:17

Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yesaya 63:10

Se mɛɛ lɛɛ a tsɔ atuã; a ha nɛ aywilɛho nu mɛ. Yawɛ ba plɛ pee a he nyɛlɔ, nɛ e kɛ mɛ hwu.

La 36:4

Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

Mose V, 29:19

Nyɛɛ hyɛ saminya nɛ nyɛ nihi tsuo nɛ nyɛ ngɛ somi munyu nɛ ɔmɛ nue mwɔnɛ ɔ ngɛ hiɛmɛ nɛ ɔ, nyɛ ti nɔ ko kó mlɔɔ e he kaa ke e pee lɛ nitsɛ e tsui wami nya ní ɔ, e maa hi ha lɛ ligbi ko. Ke nɔ ko pee ja a, nyɛ tsuo nyɛ hɛ mi ma kpata, nɔ kpakpa, kɛ nɔ yayami tsuo nɛ slɔɔto ko be mi.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Abɛ Womi 16:29

Yiwutsotsɛ sisiɔ e nyɛmi, nɛ e ngɔɔ lɛ kɛ ya woɔ haomi mi.

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Mose V, 9:7

“Nyɛ hɛ ko je nɔ kɔkɔɔkɔ, bɔ nɛ nyɛ wo Yawɛ, nyɛ Mawu ɔ mi mi la ngɛ nga kplanaa a nɔ. Kɛ je ligbi ɔ nɛ nyɛ je Egipt zugba a nɔ kɛ ba si be nɛ nyɛ ba su hiɛmɛ nɛ ɔ, Yawɛ hɛ mi atuã sɔuu nyɛ ngɛ tsɔe.

Mose IV, 15:39

Deke nɛ ɔmɛ maa pee kaimi nɔ́ kɛ ha nyɛ. Ke nyɛ hyɛ mɛ pɛ nyɛ ma kai Yawɛ mlaa amɛ tsuo, nɛ nyɛ maa ye a nɔ, konɛ nyɛ ko je ye se kɛ ya nyɛɛ basabasa kɛ pee nyɛ suɔmi nya ní.

Yesaya 30:1

Yawɛ ke, “Musu tloo Yuda ma nimeli ɔmɛ, ejakaa a kua mi. A toɔ gahi, nɛ a peeɔ níhi ngɛ mɛ nitsɛmɛ a dɛ he. A kɛ nihi soɔ nɛ pi ye suɔmi nya. Bɔ nɛ a peeɔ kɛ tĩaa yayami ngɔ haa a he ji nɛ ɔ nɛ.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 55:8

Yawɛ ke, “E slo bɔ nɛ i susuɔ nɔ́ he, nɛ e slo bɔ nɛ nyɛ hu nyɛ susuɔ nɔ́ he; jehanɛ e slo ye blɔ ɔmɛ ngɛ nyɛ blɔ ɔmɛ a he.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

La 36:5

Yawɛ, o suɔmi nɛ be nyagbe ɔ kle agbo kaa hiɔwe ɔ tsuo. O we anɔkuale yemi ɔ ya suu bɔku ɔmɛ a he tɔɔ.

Yesaya 66:4

Lɔ ɔ he ɔ, imi hu ma ha amanehlu nɛ a ngɛ gbeye yee ɔ maa ba a nɔ. Ejakaa i tsɛ mɛ, se nɔ ko nɔ ko he we nɔ; i tu munyu, se a bui tue fɛɛ. Yayami mohu a pee ngɛ ye hɛ mi; nɛ níhi nɛ sɛ ye hɛ mi ɔ, lɔ ɔmɛ mohu a he a nya.”

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”