Yesaya 64:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

Yesaya 64:9 ပူးပေါင်းရင်းမြစ်များ

La 79:13

Ke o pee ja a, wɔ, o ma a, o to kuu ɔ, wa maa na mo si, nɛ wa ma je o yi daa.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

2 Petro 2:17

Nimli nɛ ɔmɛ ngɛ kaa nyu vuhi nɛ nyu be a mi; a ngɛ kaa bɔkuhi nɛ ahumi ngɔ kɛ yaa. Mawu dla he ko ngɔ to mɛ ngɛ diblii nɛ mi ti mi.

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Habakuk 3:2

“Yawɛ lee, i nu nɔ́ nɛ o pee ɔ he, nɛ e ha nɛ i ye mo gbeye. Ní nguanguahi nɛ o tsu blema a, mo tsu ekohu wa yi nɔ nɛ ɔ. Ke o mi mi fu po, moo na mɔbɔ.

Kɔmɔ Yemi 5:20

Mɛni he je o hɛ je wa nɔ pɛsɛpɛsɛ ɔ? Mɛni he je o ngmɛɛ wa he be babauu nɛ ɔ?

Yeremia 10:24

Yawɛ, mo ka o ma a hɛ mi; ka wa hɛ mi bɔ pɛ nɛ sa kɛkɛ. Koo ngɔ abofu kɛ gbla wa tue; ke o pee ja a, wa hɛ mi ma kpata.

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Yesaya 63:19

Wa pee kaa nihi nɛ o hyɛ we a nɔ hyɛ, loo ni komɛ nɛ a kɛ o biɛ tsɛ we mɛ hyɛ!

Yesaya 60:10

Yawɛ ngɛ Yerusalem dee ke, “Nibwɔhi ma ba fia o ma a gbogbo ɔmɛ kɛ ma si ekohu, nɛ a matsɛmɛ ɔmɛ ma sɔmɔ mo. O wo ye mi mi la, nɛ lɔ ɔ he ɔ, i gbla o tue; se jehanɛ lɛɛ, ma je ye suɔmi kpo ha mo, nɛ ma na mo mɔbɔ.

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

La 119:94

O nɔ́ ji mi, he ye yi wami; ejakaa i bɔ mɔde kaa ma ye o mlaa amɛ a nɔ.

La 38:1

Yawɛ, koo ngɔ abofu kɛ ka ye hɛ mi! Koo gbla ye tue kɛ mi mi fumi.

La 6:1

Yawɛ, koo ngɔ abofu kɛ ka ye hɛ mi; koo ngɔ mi mi la kɛ gbla ye tue.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Yeremia 44:21

“Tsopa kɛ e he via nɛ nyɛɛ kɛ nyɛ nɛmɛ ɔmɛ, nyɛ matsɛmɛ ɔmɛ, nyɛ ma nimeli ɔmɛ, kɛ ma mi bi ɔmɛ sã ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ, anɛ nyɛ susu kaa Yawɛ li lo? Nyɛ bu kaa e hɛ je nɔ?

Kɔmɔ Yemi 5:22

Aloo pe o kua wɔ kulaa? Anɛ o we abofu ɔ nyagbe be lo?

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Yesaya 63:18

Wɔ o ma klɔuklɔu ɔ, wa hi o he klɔuklɔu ɔ be bɔɔ, kɛkɛ nɛ wa he nyɛli ba ywia o ma a!

Kɔmɔ Yemi 2:7

Nyɔmtsɛ ɔ sume e bɔ sami la tɛ ɔ hu, nɛ e kua sɔlemi we ɔ. E ha he nyɛli ku mɔ ɔmɛ kɛ pue si. A hwɔ lele ngɛ Yawɛ we ɔ mi kaa bɔ nɛ wa peeɔ ke wa ngɛ nyami ligbi yee ɔ.

Kɔmɔ Yemi 5:18

ejakaa Zion Yo ɔ nɔ je gu kɛ fɔɔ si, nɛ nga mi gbehi ngɛ ma a mi ní kokoe ɔmɛ a mi kpae.