Yesaya 64:8 - BAIBLO ALOO NGMAMI KLƆUKLƆU Ɔ

⁸ Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Yesaya 64:8 ပူးပေါင်းရင်းမြစ်များ

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

La 119:73

Mo nitsɛ lɛ o bɔ mi, nɛ o baa ye yi. Ha mi juɛmi nɛ kɔɔ nɔ́ se, konɛ ma kase o mlaa amɛ.

La 138:8

Yawɛ, yi mi nɛ o to ha mi ɔ, o maa ye nɔ, ejakaa Yawɛ, o suɔmi ɔ ngɛ kɛ yaa neneene. Ní tsumi nɛ o je sisi ɔ, koo ngmɛɛ he.

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yesaya 29:16

A plɛɔ nɔ́ tsuaa nɔ́ yi ngɔ kaa si. Te nɔ́ nɛ he hia pe e nyɛmi nɛ; buɛ puɛlɔ ɔ, loo zu ɔ? Anɛ nɔ́ ko nɛ nɔmlɔ pee ɔ ma nyɛ ma de lɛ ke, “Tsa pi mo nɛ o puɛ mi!” loo e ma nyɛ de lɛ ke, “O li nɔ́ nɛ o ngɛ pee ɔ lo?”

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 43:7

Imi nitsɛ ye ma ji mɛ; nɛ i bɔ mɛ, konɛ a wo ye hɛ mi nyami.’ ”

Yesaya 44:21

Yawɛ ke, “Israel, o hɛ ko je nɔ́ nɛ ɔ nɔ! Kai kaa ye tsɔlɔ ji mo. Imi lɛ i bɔ mo, konɛ o pee ye tsɔlɔ; lɔ ɔ he ɔ, ye hɛ be o nɔ jee gblegbleegble.

Mose V, 32:6

Bɔ nɛ sa kaa nyɛ peeɔ Yawɛ ji nɛ ɔ lo, ma kuasia nɛ be juɛmi? Lɛ ji nyɛ tsɛ kɛ nyɛ bɔlɔ; lɛ nɛ e ha nyɛ pee e ma.

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.

Mose II, 4:22

Bɔ nɛ o ma de Farao ɔ ji, Yawɛ ke, ‘Israel ɔ, ye binyumu ji lɛ; ee ye bitɛte ji lɛ!

Yohane 8:41

Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.” A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 19:25

Yawɛ Tabohiatsɛ ɔ maa gbaa mɛ ke, “A gbaa mo, ye ma, Egipt, kɛ Asiria nɛ i ngɔ ye nine kɛ bɔ, kɛ Israel, ma nɛ i hla ngɔ to kaa ye weto ní.”

Yesaya 45:11

Bɔ nɛ Yawɛ, Israel Mawu klɔuklɔu ɔ, kɛ je ɔ bɔlɔ ɔ ngɛ dee ji nɛ ɔ nɛ: “Anɛ nɔ ko ngɛ he blɔ kaa e deɔ nɔ́ ko kɛ siɔ mi lo, nɔ́ nɛ kɔɔ ye bimɛ ɔmɛ a he jio, nɔ́ nɛ kɔɔ ye nine nya ní tsumi he jio?

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 95:6

Nyɛɛ ba nɛ waa ngɔ wa hɛ mi kɛ bu si, nɛ wa ja lɛ. Nyɛ ha nɛ wa kpla si ngɛ Yawɛ, wa bɔlɔ ɔ nane nya.

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yesaya 57:16

Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami