Yesaya 64:7 - BAIBLO ALOO NGMAMI KLƆUKLƆU Ɔ

⁷ Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Yesaya 64:7 ပူးပေါင်းရင်းမြစ်များ

Ezekiel 22:30

I hla nɔ ko nɛ maa po piɛ kɛ wo a he, loo nɛ e maa tsi puɔ ɔ nɛ ngɛ gbogbo ɔ mi ɔ ha ma a, konɛ ma ko puɛ zugba a, se i nɛ nɔ ko nɔ ko.

Hosea 7:14

Ke a ngɛ kue fae ha mi ɔ, e ji a tsui mi; awe sɔuu a hii nyae ngɛ sa mi. Ke a ngɛ sɔlee nɛ ma ha mɛ blɛfo kɛ dã a, a kɛ nɔ́ poɔ a he basabasa kaa wɔ jali. Atuã tsɔli!

Yesaya 59:16

E pee lɛ nyakpɛ kaa nɔ ko nɔ ko be nɛ maa da mi ha ni nɛmɛ nɛ a ngɛ mɛ yi mi wae ɔ. Lɔ ɔ he ɔ, lɛ nitsɛ e he wami e kɛ ma he e ma a yi wami; nɛ e ma a maa ye kunimi.

Hosea 7:7

“Benɛ a mi mi fu wawɛɛ ɔ, a gbe a ma nimeli ɔmɛ tsuo. A to nya nɛ a gbe a matsɛmɛ ɔmɛ kakaaka; nɛ mɛ hu a ti nɔ ko kpa we ngmlaa nɛ e tsɛ mi.”

Yesaya 59:2

Mohu nyɛ ná nyɛɛ le kaa nyɛ he yayami ɔmɛ ji níhi nɛ gba nyɛɛ kɛ nyɛ Mawu ɔ nyɛ kpɛti; nyɛ he yayami ɔmɛ tsi e hɛ mi; lɔ ɔ he nɛ ke nyɛ fa kue nɛ e nui ɔ nɛ.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yesaya 27:5

Se ke ye ma a a he nyɛli ngɛ hlae kaa ma bu a he ɔ, lɛɛ a kɛ mi nɛ ba kpata lolo. Niinɛ, e hia kaa a kɛ mi nɛ ba kpata.”

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Ezekiel 24:11

Jehanɛ, ma ha buɛ ɔ mi gu maa ma la hleii ɔ nɔ, konɛ e dɔ la kɛ yaa si akɔblee ɔ maa tsu paa; kɛkɛ ɔ, e mi mu ɔ tsuo maa sile, nɛ e mi kana a tsuo maa ta pɛsɛpɛsɛ!

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

Yesaya 56:4

Bɔ nɛ Yawɛ ngɛ nɔ ɔ dee ji, “Ke o yeɔ Hejɔɔmi ligbi ɔ, nɛ o peeɔ ye suɔmi nya ní, nɛ o yeɔ ye somi ɔ nɔ pɛpɛɛpɛ ɔ,

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

Hiob 8:4

O bimɛ ɔmɛ pee yayami kɛ si Mawu, nɛ lɔ ɔ he nɛ e gbla a tue bɔ nɛ sa mɛ ɔ nɛ.

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Hiob 10:9

Kai kaa tabo zu lɛ o kɛ bɔ mi. Anɛ o ma ha nɛ ma plɛ pee zu ekohu lo?

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?