Yesaya 64:6 - BAIBLO ALOO NGMAMI KLƆUKLƆU Ɔ

⁶ Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Yesaya 64:6 ပူးပေါင်းရင်းမြစ်များ

Romabi 7:18

I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.

Romabi 7:24

Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?

Zakaria 3:3

Yoshua daa si ngɛ Yawɛ bɔfo ɔ hɛ mi kɛ e he tade sɛmusɛmu.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Hiob 25:4

Lɛɛ kɛ a maa pee kɛ bu nɔmlɔ dalɔ ngɛ Mawu hɛ mi kɛɛ? Nɔmlɔ nɛ yo fɔ lɛ ɔ, kɛ e maa pee kɛɛ nɛ e he ma tsɔ?

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Yesaya 46:12

“Nyɛ ma nɛ nyɛ tue mi ti, nɛ nyɛ susuɔ kaa kunimi yemi ngɛ se lokoo, nyɛɛ bu tue.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

Kpojemi 7:13

Kɛkɛ nɛ nikɔtɔma amɛ a ti nɔ kake bi mi ke, “Nihi nɛ wo tade hiɔ klɔiiklɔii nɛ ɔ, mɛnɔmɛ ji mɛ, nɛ jije a je?”

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Hosea 4:19

A maa be kɛ ho kaa bɔ nɛ kɔɔhiɔ woɔ nɔ́; nɛ zo maa gbe mɛ ngɛ bɔ ɔmɛ nɛ a sãã a he.

Yesaya 48:1

Israel ma, Yuda nina, nyɛɛ bu nɔ́ nɛ ɔ tue; nyɛ nɛ nyɛ ngɔɔ Yawɛ biɛ kɛ kaa kita, nɛ nyɛ tsiɔ Israel Mawu ɔ ta ke nyɛ ngɛ lɛ jae, pi anɔkuale mi, se nya mi gu.

La 1:4

Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa.

Yesaya 1:30

Nyɛ ma gbo kaa tso nɛ e nɔ ba amɛ ylɔ, nɛ miɔ nɛ e gbo, loo kaa abɔɔ ko nɛ a pue we e mi ní ɔmɛ a nɔ nyu.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Mose III, 13:12

Ke osɔfo ɔ na kaa hiɔ ɔ je kpo ngɛ e he womi nɔ, nɛ e ha hiɔtsɛ ɔ he womi nɔ kulaa kɛ je e yi je kɛ ya pue e nanewɛɛ ɔ,

Samuel II, 22:46

Sawale maa nu ma je li ɔmɛ; a kɛ he kpokpomi maa hia kɛ maa je a laami he ɔmɛ kɛ ba.

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

Yesaya 1:28

Se nihi nɛ peeɔ yayami, nɛ tsɔɔ e hɛ mi atuã a, e ma kpata a hɛ mi; e maa gbe nɔ tsuaa nɔ nɛ kuaa lɛ ɔ.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

Yesaya 43:22

Yawɛ ke, “Se mo Israel, ye he sane ba ti mo; o ja we mi hu.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Daniel 9:13

Tue gblami ɔmɛ nɛ a wo a nɔ ta ngɛ Mose mlaa womi ɔ mi ɔ, lɛ tsuo ba wa nɔ. Se Yawɛ, wa Mawu, wa bɔɛ mɔde kaa wa maa pee o suɔmi nya ní; wa ngmɛɛ we wa yayami ɔmɛ a he, nɛ o we anɔkuale ɔ hu wa nyɛɛ we se.

Hosea 7:7

“Benɛ a mi mi fu wawɛɛ ɔ, a gbe a ma nimeli ɔmɛ tsuo. A to nya nɛ a gbe a matsɛmɛ ɔmɛ kakaaka; nɛ mɛ hu a ti nɔ ko kpa we ngmlaa nɛ e tsɛ mi.”