Yesaya 64:5 - BAIBLO ALOO NGMAMI KLƆUKLƆU Ɔ

⁵ Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Yesaya 64:5 ပူးပေါင်းရင်းမြစ်များ

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

Ni Tsumi 10:35

Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.

Malaki 3:6

“Imi ji Yawɛ ɔ nɛ; i tsakee we. Enɛ ɔ he je nɛ nyɛ, Yakob nina a, nyɛ hɛ mi kpataa we lolo ɔ nɛ.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Yesaya 63:10

Se mɛɛ lɛɛ a tsɔ atuã; a ha nɛ aywilɛho nu mɛ. Yawɛ ba plɛ pee a he nyɛlɔ, nɛ e kɛ mɛ hwu.

La 112:1

A je Yawɛ yi! A gbaa nɔ nɛ yeɔ Yawɛ gbeye, nɛ e naa e mlaa amɛ a he bua jɔmi saminya a.

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

La 37:4

Mo na Yawɛ he bua jɔmi, nɛ e ma ha mo níhi nɛ o tsui suɔ.

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

Mose II, 30:6

Ngɔɔ bɔ sami la tɛ nɛ ɔ kɛ ma tsu mi pomi bo ɔ se ngɛ daka a nɛ somi womi ɔ ngɛ mi ɔ hɛ mi. Lejɛ ɔ ji he nɛ i kɛ nyɛ maa kpe ngɛ.

Mose II, 25:22

Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 26:13

Yawɛ, o se ɔ, nyɔmtsɛmɛ kpahi ba ye wa nɔ lɛɛ, se mo pɛ nɛ wa le.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

Daniel 9:5

“Wa pee yayami; wa tɔ nɛ wa pee yi wu tso níhi. Wa tsɔ o hɛ mi atuã, nɛ wa yi o mlaa amɛ a nɔ.

Yesaya 1:30

Nyɛ ma gbo kaa tso nɛ e nɔ ba amɛ ylɔ, nɛ miɔ nɛ e gbo, loo kaa abɔɔ ko nɛ a pue we e mi ní ɔmɛ a nɔ nyu.

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Zakaria 3:3

Yoshua daa si ngɛ Yawɛ bɔfo ɔ hɛ mi kɛ e he tade sɛmusɛmu.