Yesaya 64:4 - BAIBLO ALOO NGMAMI KLƆUKLƆU Ɔ

⁴ Kɛ je blema lokoo ɔ, nɔ ko nui hyɛ, nɛ nɔ ko hu nɛ kaa o se ɔ, mawu kpa ko ngɛ nɛ peeɔ nɔ́ haa nihi nɛ ngɔɔ a hɛ ngɔ fɔɔ e nɔ ɔ!

Yesaya 64:4 ပူးပေါင်းရင်းမြစ်များ

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

La 130:5

I ngɛ Yawɛ blɔ hyɛe; e munyu ɔ nɔ i ngɔ ye hɛ kɛ fɔ.

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

Yohane 14:3

Ke i ya nɛ i ya dla he ko kɛ to nyɛ se ɔ, ma kpale kɛ ba, nɛ ma ba ngɔ nyɛ kɛ ya hi imi nitsɛ ye ngɔ. Kɛkɛ ɔ, he nɛ i ngɛ ɔ, nyɛ hu nyɛɛ maa hi lejɛ ɔ.

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.

La 62:1

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

1 Korintobi 1:7

Lɔ ɔ he ɔ, be mi nɛ nyɛ ngɛ Nyɔmtsɛ Yesu Kristo bami ɔ blɔ hyɛe nɛ ɔ, mumi mi nike ní ko kulaa be nyɛ hiae.

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yesaya 66:8

Mɛnɔ nu enɛ ɔ eko hyɛ, nɛ mɛnɔ na enɛ ɔ eko hyɛ? Anɛ ligbi kake too kɛkɛ nɛ zugba nɔ hyiɔ kɛ nimli babauu? Anɛ si kake too kɛkɛ nɛ a fɔɔ je ma lo? Se Zion lɛɛ e nɛ nɔ́; benɛ kɔɔmi miɔ nɛ ta e he kɛkɛ e fɔ e binyumu ɔmɛ momo.

Ezra 9:7

Kɛ je wa nɛmɛ a yi nɔ kɛ ba su mwɔnɛ ɔ, wɔ o ma a, wa pee yayami gbegbeegbe. Wa yayami ɔmɛ a he ɔ, ma je li ɔmɛ a matsɛmɛ ɔmɛ ba nuu wɔ, wa matsɛmɛ ɔmɛ, kɛ wa osɔfo ɔmɛ tsuo. A gbe wɔ, a kpɔ wa níhi ngɛ wa dɛ, nɛ a nuu wɔ kɛ ho ma se ya ngɛ pã mi kaa nyɔguɛhi. A ha wa hɛ mi pue si kulaa; nɛ wa ngɛ zo ɔ mi kɛ mwɔɔ.

La 103:18

kɛ jehanɛ hu nihi tsuo nɛ yeɔ e somi ɔ nɔ, kɛ ni nɛmɛ nɛ yeɔ e mlaa amɛ a nɔ sisiisi ɔ.

Yesaya 59:12

“Yawɛ, wa tɔmi ɔmɛ hiɛ babauu ngɛ o hɛ mi. Wa he yayami ɔmɛ yeɔ odase kɛ siɔ wɔ. Wɔ nitsɛmɛ wa le wa nisɛ ní a ní ɔmɛ tsuo.

Daniel 9:5

“Wa pee yayami; wa tɔ nɛ wa pee yi wu tso níhi. Wa tsɔ o hɛ mi atuã, nɛ wa yi o mlaa amɛ a nɔ.

Daniel 9:8

Wa matsɛmɛ ɔmɛ, wa ganɔ ɔmɛ, kɛ wa nɛmɛ ɔmɛ tsu zo ní, nɛ a pee yayami kɛ si mo Nyɔmtsɛ ɔ.

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.

Hosea 7:7

“Benɛ a mi mi fu wawɛɛ ɔ, a gbe a ma nimeli ɔmɛ tsuo. A to nya nɛ a gbe a matsɛmɛ ɔmɛ kakaaka; nɛ mɛ hu a ti nɔ ko kpa we ngmlaa nɛ e tsɛ mi.”

Zakaria 10:9

E ngɛ mi kaa imi nitsɛ lɛ i gbɛ mɛ ngɔ fĩa je ma amɛ a nɔ lɛɛ, se a ma kai mi ngɛ ma se lokoo. A kɛ a bimɛ ɔmɛ tsuo a yi ma na wami, nɛ a maa kpale kɛ ba we ekohu.