Yesaya 64:3 - BAIBLO ALOO NGMAMI KLƆUKLƆU Ɔ

³ Blema, benɛ o pee nyakpɛ níhi nɛ wa hyɛ we blɔ ɔ, o kple si kɛ ba; yo ɔmɛ mimiɛ ngɛ o hɛ mi!

Yesaya 64:3 ပူးပေါင်းရင်းမြစ်များ

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

La 106:22

Hyɛ nyakpɛ níhi nɛ e tsu ngɛ lejɛ ɔ! Hyɛ ní nguanguahi nɛ e pee ngɛ Wo Tsu ɔ nya!

La 66:5

Nyɛɛ ba, nyɛ ba hyɛ níhi nɛ Mawu pee, nyakpɛ níhi nɛ e tsu kɛ ha nimli adesahi.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

Mose V, 10:21

Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Yesaya 64:1

I ná nɛ hiɔwe mi gba enyɔ nɛ o kple si kɛ ba!

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

La 68:8

mo Yawɛ Israel Mawu ɔ, o ha zugba mimiɛ, nɛ hiɔmi nɛ ngɛ mo Mawu ɔ o hɛ mi. Sinai yo ɔ tete mimiɛ ngɛ mo Mawu, Israel Mawu ɔ, o hɛ mi.

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose II, 34:10

Yawɛ de Mose ke “Hyɛ i kɛ Israel ma a ngɛ soe. Ma pee nyakpɛ níhi ngɛ a kpɛti nɛ eko bɛ hyɛ ngɛ je nɛ ɔ mi he ko he ko, aloo ngɛ ma ko ma ko mi. Je ma amɛ tsuo nɛ bɔle mo ɔ maa na ní nguahi nɛ imi Yawɛ, i ngɛ tsue; ejakaa nɔ́ nɛ i yaa pee ha mo ɔ he ngɛ gbeye.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.