Yesaya 61:6 - BAIBLO ALOO NGMAMI KLƆUKLƆU Ɔ

⁶ Se nyɛ ye ma a, a ma tsɛ nyɛ ke Yawɛ osɔfohi, a ma tsɛ nyɛ Mawu sɔmɔli hulɔ. Je ma amɛ a ní ɔ, nyɛ nyɛ maa ye, nɛ nyɛ bua maa jɔ kaa lɛ tsuo ba pee nyɛ nɔ́.

Yesaya 61:6 ပူးပေါင်းရင်းမြစ်များ

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Yesaya 66:21

Ma pee a ti ni komɛ osɔfohi, nɛ ma pee a ti ni komɛ hu Levi bi.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

1 Korintobi 4:1

Nyɛɛ bu wɔ kaa Kristo tsɔli nɛ Mawu ngɔ laami sɛ gbi ɔ ngɔ ha wɔ ke waa fiɛ.

2 Korintobi 6:4

Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Ezekiel 14:11

Kɛkɛ ɔ, Israel bi ɔmɛ be ye se jee kɛ ya pee yayami kɛ ble a he hu. Se mohu a maa pee ye ma, nɛ imi hu ma pee a Mawu.” Nyɔmtsɛ Yawɛ lɛ de.

Yesaya 66:12

Yawɛ ke, “Ma ha nyɛ ma ná ní kpɔtɔɔ. Je ma amɛ a juetli ma ba hyi nyɛ ma a mi tɔ kaa pa nɛ hyi ywia nga. Nyɛ maa pee kaa bimwɔyo nɛ e nyɛ hɛɛ lɛ dɔdɔɔdɔ ngɛ e tɛ nɔ; bɔɔ kɛkɛ e kɛ lɛ to e kasa nya ngɛ lɛ nyɔ hae, kɛkɛ ɔ, e ngɔ lɛ ngɔ fɔ e tɛ nɔ ekohu.

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Yesaya 56:6

Jehanɛ, nibwɔhi nɛ kɛ a he ba mɛtɛ ma a he, nɛ a suɔ Mawu sane, nɛ a jaa lɛ, nɛ a yeɔ Hejɔɔmi ligbi ɔ kɛ e somi ɔ nɔ pɛpɛɛpɛ ɔ, bɔ nɛ Yawɛ ngɛ mɛ dee ji,

Mose V, 18:2

A be zugba nae kaa a weto ní kaa bɔ nɛ wɛtso kpa amɛ na a; a blɔ nya ji kaa a pee Yawɛ we osɔfohi kaa bɔ nɛ Yawɛ wo si ɔ.

Yesaya 54:3

Ejakaa o he maa hiɛ ngɛ zugba a tsuo nɔ; zugba a nɛ je ma kpa amɛ ngɛ nɔ amlɔ nɛ ɔ, o nina ma ba kpɔ ngɛ a dɛ, nɛ ma doku ɔmɛ a mi ma hyi tɔ kɛ nimli.

Yeremia 33:18

Jehanɛ hu, a ma na osɔfohi kɛ maa je Levi wɛtso ɔ mi, nɛ osɔfo nɛ ɔmɛ maa sã sami bɔ, kɛ niye ní bɔ, kɛ bɔ kpahi ha mi daa be tsuaa be.”