Yesaya 61:11 - BAIBLO ALOO NGMAMI KLƆUKLƆU Ɔ

¹¹ Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Yesaya 61:11 ပူးပေါင်းရင်းမြစ်များ

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Yesaya 62:7

A hi lɛ kaie kɛ yaa si e maa to Yerusalem si saminya ekohu. Nɛ ma a maa pee ma nɛ je ɔ tsuo ma je e yi.

Yesaya 62:1

I be ye nya mae oo! I be ye nya mae! Yerusalem he je ɔ, i be ye nya mae kɛ yaa si a ma he ye ma a yi wami. Nɛ e kunimi yemi ɔ maa je kpo paa nɛ a maa na kaa jatɛ ngɛ diblii mi.

Yesaya 45:8

Hiɔwe tsuo, nyɛ ha nɛ dami sane yemi nɛ kple si kɛ ba; é nɛ kɛ pue si kaa bɔ. Nyɛ ha nɛ dami sane yemi nɛ pue si kɛ je bɔku ɔmɛ a mi; é nɛ kɛ pue si kaa hiɔmi. Zugba a hu nɛ bli e nya, konɛ yi wami hemi nɛ bɔni kpo jemi; enɛ ɔ kɛ dami sane yemi tsuo maa je kpo paa si kake. Imi Yawɛ lɛ i ha enɛ ɔ ba mi.”

Lahi 4:16

Kɔɔhiɔ nɛ je omleyi je, tee si koo. Kɔɔhiɔ nɛ je leneyi je, tee si nɛ o fia kɛ ya gu ye we abɔɔ ɔ mi, konɛ lejɛ ɔ tsuo nɛ je via. Ha nɛ ye suɔlɔ ɔ nɛ ba e we abɔɔ ɔ mi, nɛ e ba ye e mi tso yiblii nɔ́ nɛ hi pe kulaa a.

La 85:11

Adesa we anɔkuale ɔ maa je zugba kɛ ya hiɔwe; nɛ Mawu dami ɔ maa hyɛ zugba a kɛ je hiɔwe.

Mateo 13:23

Se wu nɛ ya pue zugba kpakpa nɔ ɔ lɛɛ e daa si ha nihi nɛ nuɔ sɛ gbi ɔ, nɛ a kɔɔ se hulɔ. Mɛ ji ni nɛmɛ nɛ woɔ yiblii ɔ, ni komɛ lafa, ni komɛ nyingmi ekpa, kɛ ni komɛ hu nyingmi etɛ.”

Mateo 13:3

Nɛ e tu mɛ munyuhi fuu ngɛ abɛ gbi mi. E de ke, “Ligbi ko ɔ, ní dulɔ ko ho nɛ e ya du ní.

Yesaya 60:18

A be yi mi wami he nue ngɛ zugba a nɔ hu; a be ní puɛmi, kɛ hɛ mi kpatami he nue ngɛ o huza amɛ a nɔ hu. Ma bu o he, nɛ ma fa o he. Ma pee kaa gbogbo ngɛ o se. Nɛ o ma je ye yi, ejakaa i he o yi wami.

La 72:16

Zugba a nɛ ba ní saminya, nɛ a na blɛfo babauu ngɛ yo ɔmɛ tsuo pɛpɛɛpɛ a nɔ. Á na tso yiblii saminya kaa bɔ nɛ a naa ngɛ Lebanon ɔ. Ma amɛ a mi nɛ hyi tɔ kɛ nimli adesahi kaa nga.

La 72:3

Zugba a nɛ ba ní saminya, nɛ á ye dami sane ngɛ he tsuaa he.

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Mose I, 1:11

Jehanɛ Mawu fa ke, “Tso slɔɔtoslɔɔtohi nɛ a puɛ ngɛ zugba a nɔ: tsohi nɛ woɔ ngma loo wu, kɛ ní nɛmɛ nɛ woɔ yiblii.” Nɛ e ba mi ja.

Yesaya 62:2

Yerusalem, je ma amɛ maa na kaa o ye kunimi, nɛ matsɛmɛ ɔmɛ tsuo maa na o hɛ mi nyami ɔ. A maa wo mo biɛ he. Biɛ nɛ Yawɛ nitsɛ maa wo mo ɔ, lɔ ɔ a kɛ ma tsɛ mo.