Yesaya 61:1 - BAIBLO ALOO NGMAMI KLƆUKLƆU Ɔ

¹ Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yesaya 61:1 ပူးပေါင်းရင်းမြစ်များ

La 102:20

konɛ e nu pamitsɛmɛ ɔmɛ a kɛmɛmi ɔ he, nɛ nihi nɛ a bu mɛ gbenɔ fɔ ɔ, e ha nɛ a ye a he.

La 147:3

Ni nɛmɛ nɛ a tsui ku ɔ, e ngɛ mɛ tsae, nɛ e ngɛ a pa amɛ a nɔ fie.

La 149:4

Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

La 25:9

Nihi nɛ baa a he si ɔ, Yawɛ tsɔɔ mɛ e blɔ ɔ, kɛ bɔ nɛ sa kaa a ba a je mi ha.

La 34:18

Nihi nɛ a kɔni mi jɔ̃, kɛ nihi nɛ a be hɛ nɔ kami ɔ, Yawɛ hii a kasa nya, konɛ e wo mɛ he wami.

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

La 68:7

Mawu, be nɛ o nyɛɛ o ma a hɛ mi, be nɛ o kɛ mɛ gu nga kplanaa a nɔ ɔ,

La 69:32

Ke nɔ́ nali na a, a bua maa jɔ. Nyɛ ni nɛmɛ nɛ nyɛ ngɛ Mawu se blɔ hlae ɔ, nyɛ nɔ gbagba nɛ te.

Mose II, 28:41

Ngɔɔ tade nɛ ɔmɛ kɛ wo o nyɛminyumu Aaron kɛ e binyumu ɔmɛ, nɛ o pɔ mɛ nu, nɛ o wo mɛ osɔfo, nɛ o tsukɔ a he, konɛ a sɔmɔ mi kaa osɔfohi.

Mose II, 29:7

Lɔ ɔ se ɔ, plɛ nu nɛ a kɛ pɔɔ nɔ ɔ kɛ pue e yi mi, nɛ o kɛ pɔ lɛ nu.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Yesaya 30:19

Nyɛ Yerusalem bi, nyɛ be ya foe hu! Yawɛ ɔ, mɔbɔ nalɔ ji lɛ; ke nyɛ fa kue ha lɛ ɔ, e ma he nɔ.

Yesaya 30:26

Nyɔhiɔ ma kpɛ kaa pu, nɛ pu la a nya maa wa wawɛɛ kaa bɔ nɛ e nya waa daa a totoe si kpaago; e maa pee kaa ligbi kpaago pu tsotsoe tsuo nɛ a bua nya ngɔ ha ligbi kake. Plaami nɛ Yawɛ plaa e ma a, e maa fi pa amɛ a nɔ ha mɛ, nɛ pa amɛ ma gbo. Ní nɛ ɔmɛ tsuo maa ba mi jamɛ a be ɔ mi.

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 48:16

“Jehanɛ, nyɛɛ hɛ nyɛ kɛ ba ye ngɔ nɛ nyɛ ba bu mi tue. Kɛ je sisije ɔ tsuo lakpa ko be ye munyu mi, nɛ ye munyu ɔmɛ baa mi sisiisi.” Hɛ mi nyɛɛlɔ ɔ nɛ Yawɛ hla a he nɔ ke, “Nyɔmtsɛ Yawɛ ngɔ e mumi ɔ ngɔ wo ye mi, nɛ e tsɔ mi.”

Yesaya 49:9

Ma de nihi nɛ a wo mɛ tsu ɔ ke, ‘Nyɛɛ je kpo!’ nɛ ma de nihi nɛ ngɛ diblii mi ɔ ke, ‘Nyɛɛ je kpo kɛ ba la hɛ mi!’ A maa pee kaa tohi nɛ ngɛ ní yee ngɛ blɔ tue. Yo nɔ he nɛ hue be ɔ maa pee a ní yemi he.

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Yesaya 52:9

Nyɛ Yerusalem tsu kokoehi, nyɛ bua nɛ jɔ, nɛ nyɛ hwɔ lele! Ejakaa Yawɛ ma he e ma a yi wami, nɛ e maa jɔɔ e ma mi bi ɔmɛ a bua.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 57:18

“I na níhi nɛ a ngɛ pee ɔ, se ma tsa mɛ. Ma tsɔɔ mɛ blɔ, nɛ ma piɛ a he; nɛ ma wo kɔmɔ yeli ɔmɛ bua!

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yeremia 34:8

Matsɛ Zedekia, kɛ nihi nɛ ngɛ Yerusalem ma a mi tsuo so kaa a ma ha nɛ

Yeremia 52:33

Enɛ ɔ he je ɔ, a ngmɛ Yehoyakin blɔ nɛ e je pã mi tade ɔmɛ ngɛ e he ngɔ pue si, nɛ e ya yeɔ ní ngɛ matsɛ okplɔɔ he daa ligbi kɛ ya si e gbenɔ be.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Mose III, 7:35

Bɔhi nɛ a kɛ la sãã ha Yawɛ ɔ, Aaron kɛ e bimɛ ɔmɛ a blɔ fa mi nɔ́ nɛ a gbaa nɔ kɛ ha mɛ kɛ je be nɛ a wo mɛ osɔfo ji nɛ ɔ nɛ.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 3:16

Benɛ a sɔle Yesu ɔ, e je kpo amlɔ kɛ je pa a mi. A bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo nɛ ma e nɔ mami.

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

2 Korintobi 3:17

Nyɔmtsɛ ɔ ji mumi ɔ nɛ, nɛ he nɛ Nyɔmtsɛ ɔ mumi ɔ ngɛ ɔ, lejɛ ɔ he yemi ngɛ.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

Hebribi 1:9

O suɔ dami sane yemi; se mlaa nɔ tɔmi lɛɛ o nyɛ. Enɛ ɔ he je Mawu nɛ ji o Mawu ɔ pɔ mo nu, nɛ o na bua jɔmi kulaa pe o nyɛmimɛ ɔmɛ.”