Yesaya 60:7 - BAIBLO ALOO NGMAMI KLƆUKLƆU Ɔ

⁷ A ma bua Kedar tohi tsuo a nya kɛ ba ha mo, konɛ o kɛ sã bɔ. A kɛ Nebayot agbosuhi ma ba sã bɔ nɛ maa sa Yawɛ hɛ mi ngɛ bɔ sami la tɛ ɔ nɔ. Kɛkɛ ɔ, Yawɛ maa wo e we klɔuklɔu ɔ hɛ mi nyami babauu pe daa a.

Yesaya 60:7 ပူးပေါင်းရင်းမြစ်များ

Yesaya 56:7

“Ma ngɔ nyɛ kɛ ba Zion, ye yo klɔuklɔu ɔ nɔ; ma ha nyɛ bua maa jɔ ngɛ ye sɔlemi we ɔ, nɛ bɔ ɔmɛ tsuo nɛ nyɛ maa sã ngɛ ye bɔ sami la tɛ ɔ nɔ ɔ, ma he. Ejakaa a ma tsɛ ye we ɔ je mahi tsuo a sɔlemi we.”

Mose I, 25:13

e binyumuhi ngɛ a fɔmi nya ji nɛ ɔmɛ nɛ: Nebayot, Kedar, Adbeel, Mibsam,

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Yesaya 42:11

Nyɛ ha nga kplanaa a kɛ e nɔ ma amɛ tsuo nɛ a je Mawu yi. Nyɛ ha Kedar bi ɔmɛ nɛ a je e yi! Nyɛ ha nihi nɛ ngɛ Sela ma a mi nɛ a hwɔ lele ngɛ yo ɔmɛ a nɔ!

Hebribi 13:10

Wa ngɛ bɔ sami la tɛ ko nɛ nihi nɛ sɔmɔɔ ngɛ bo tsu ɔ mi ɔ be he blɔ kaa a yeɔ e nɔ ní.

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.

La 120:5

Ye yi fi pɛ! Hyɛ kaa i ba to nubwɔ ngɛ Meshek; nɛ i ngɛ Kedar bi a ma mi!

Lahi 1:5

Nyɛ Yerusalem yihewi! I yuɔ, nɛ ye he ngɛ fɛu saminyayoo. I ngɛ kaa bo tsu nɛ ngɛ Kedar a. Ye he fɛu ɔ, Matsɛ Salomo mɔ ɔ mi tsu mi pomi bo ɔmɛ a he fɛu ɔ pɛ a kɛ maa to he.

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.

Yesaya 19:21

Yawɛ ma je e he si kɛ tsɔɔ Egipt bi ɔmɛ, nɛ a maa le lɛ; a ma ja lɛ, nɛ a kɛ sami bɔhi, kɛ nike ní ma ba ha lɛ. A ma ka Yawɛ kita nɛ a maa ye nɔ pɛpɛɛpɛ.

Yesaya 21:16

Kɛkɛ nɛ Yawɛ de mi ke, “Hiɛmɛ nɛ ɔ jeha kake pɛpɛɛpɛ ɔ, Kedar weku ɔmɛ a he wami ɔ se maa po.

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Ezekiel 27:21

Arabia bi kɛ Kedar ganɔ ɔmɛ tsuo o kɛ mɛ ye jua; mɛɛ níhi nɛ a kɛ woɔ hiɔ ji agbosuhi, jijɔhi, kɛ akpakpohi.

Zefania 3:10

Ye nihi nɛ gbɛ fĩa a maa ngɔ nike ní kɛ je tsitsaa Sudan po kɛ ba ha mi.

Zakaria 2:8

Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

Mika 4:1

Nyagbe be ɔ mi ɔ, yo ɔ nɛ Yawɛ we ɔ maa si ngɛ nɔ ɔ ma ba pee yo nɛ he biɛ pe yo ɔmɛ tsuo. Je mahi babauu ma ba hyɛ,