Yesaya 60:6 - BAIBLO ALOO NGMAMI KLƆUKLƆU Ɔ

⁶ Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Yesaya 60:6 ပူးပေါင်းရင်းမြစ်များ

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

La 72:15

Matsɛ ɔ yi nɛ na wami! Á ngɔ Arabia sika tsu kɛ ba ha lɛ! A kpa Mawu pɛɛ kɛ ha lɛ be tsuaa be, nɛ a bi gbaami ha lɛ daa ligbi!

Manyadali 6:5

Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Mose I, 10:7

Kush nina ji Seba, Havila, Sabta, Raama, kɛ Sabteka bi. Raama nina ji Sheba kɛ Dedan bi.

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Yesaya 61:6

Se nyɛ ye ma a, a ma tsɛ nyɛ ke Yawɛ osɔfohi, a ma tsɛ nyɛ Mawu sɔmɔli hulɔ. Je ma amɛ a ní ɔ, nyɛ nyɛ maa ye, nɛ nyɛ bua maa jɔ kaa lɛ tsuo ba pee nyɛ nɔ́.

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

Yesaya 30:6

Mawu sɛ gbi nɛ ɔ kɔɔ lohwe nane eywiɛɛywiɛtsɛmɛ nɛ ngɛ leneyi je nga kplanaa a nɔ ɔ a he. “Ma tsɔli ɔmɛ nyɛɛ kɛ ya gu zugba nɛ nɔ ngɛ gbeyegbeye ɔ nɔ. Jatahi, sinɔ duɔtsɛmɛ, kɛ nyakahi nɛ tee ngɛ lejɛ ɔ. A ngɔ nike níhi nɛ a he jua wa ngɔ pue tejihi, kɛ yomahi a nɔ ya ke ma ko nɛ be nyɛe maa piɛ a he.

Matsɛmɛ I, 10:2

Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ ba na Salomo ɔ, e bi Salomo munyuhi tsuo nɛ ngɛ e yi mi,

Kronika II, 9:1

Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Matsɛmɛ II, 8:9

Kɛkɛ nɛ Hazael pue nɔ kɛ ho Elisha ngɔ ya. E hɛɛ nike níhi nɛ ji Damasko ní kpakpa amɛ tsuo eko tsuaa eko afukpɔngɔ nyingmi eywiɛ yi tlomi kɛ ho. Benɛ e ya na Elisha a, e de lɛ ke, “O binyumu Benhadad, Siria matsɛ ɔ tsɔ mi ke ma ba bi mo ke hiɔ nɛ e ngɛ nue nɛ ɔ, e ma na he wami lo?”

Manyadali 7:12

Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ pueɔ si ngɛ kɔ̃ ɔ mi babauu kaa baalɛhi. A we afukpɔngɔ ɔmɛ ɔ, nɔ ko li a nya; a he hiɛ babauu kaa wo nya zia.

Mose I, 25:13

e binyumuhi ngɛ a fɔmi nya ji nɛ ɔmɛ nɛ: Nebayot, Kedar, Adbeel, Mibsam,

Yesaya 60:9

Spania lɛhi nɛ a nyɛɛ hɛ mi kɛ je tsitsaa wo se zugbahi a nɔ kɛ ma a nɛ. A ngɔ bimɛ kɛ ma we. A hɛɛ sika tsu, kɛ sika hiɔ kɛ ma, konɛ a kɛ ba ha Israel Mawu klɔuklɔu ɔ, nɛ a kɛ wo Yawɛ hɛ mi nyami. Ejakaa e wó e ma a nɔ gojoo ngɛ je ma amɛ tsuo a hɛ mi.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Ezekiel 27:22

Sheba kɛ Raama bi ɔmɛ lɛɛ níhi nɛ a kɛ ba tsakee o guɛ ní ɔmɛ ji juetli, sika tsu, kɛ tsopa kɛ e he via kpakpa.

Zefania 3:10

Ye nihi nɛ gbɛ fĩa a maa ngɔ nike ní kɛ je tsitsaa Sudan po kɛ ba ha mi.

Zakaria 14:16

Mahi tsuo nɛ te si kɛ wo Yerusalem ɔ, a mi nihi nɛ a yi ma na wami ɔ, daa jeha a, a maa ya Yerusalem nɛ a ya ja Yawɛ Tabohiatsɛ ɔ kaa matsɛ, nɛ a maa ye Gbasisihimi nyami be ɔ ngɛ lejɛ ɔ.

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Kronika I, 1:33

Midian hu bimɛ ji Efa, Efer, Hanok, Abida, kɛ Eldaa.

La 67:4

Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.