Yesaya 60:4 - BAIBLO ALOO NGMAMI KLƆUKLƆU Ɔ

⁴ Wo o yi nɔ nɛ o hyɛ o he kɛ kpe. O nɛ, mɛ tsuo a ngɛ a he nya buae; a ngɛ a he nya buae kɛ ma o ngɔ! O binyumu ɔmɛ maa je ma se tsitsaa kɛ ba, nɛ o biyi ɔmɛ lɛɛ a maa hɛɛ mɛ kaa bimwɔwi kɛ ba.

Yesaya 60:4 ပူးပေါင်းရင်းမြစ်များ

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 14:2

Je ma amɛ maa ngɔ Israel bi ɔmɛ kɛ ba zugba nɛ Yawɛ ha mɛ ɔ nɔ ekohu, nɛ a ma ba sɔmɔ mɛ kaa nyɔguɛhi. Nihi nɛ nuu Israel nyɔguɛ sa a, jehanɛ lɛɛ Israel hu maa ye a nɔ.

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yesaya 43:6

Ma de omleyi je ke, ‘Ngmɛɛ a he nɛ a ho,’ nɛ ma de leneyi je hu ke, ‘Koo tsi a nya. Nyɛ ha nɛ ye ma a nɛ kpale kɛ ba, kɛ je zugba amɛ a nɔ ngɛ tsitsaa lokoo ngɛ je ɔ mi tsuo.

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Yesaya 49:17

“Nihi nɛ maa fia gbogbo ɔmɛ ɔ ma amlɔ nɔuu, nɛ nihi nɛ ba kpata o hɛ mi ɔ maa je kɛ ho.

Yesaya 49:18

Hyɛ o he kɛ kpe, nɛ o maa na nɔ́ ko! O ma mi bi ɔmɛ ngɛ a he nya buae kɛ ma we! Ligbi abɔ nɛ imi Yawɛ i ngɛ nɛ ɔ, ma ha o bua maa jɔ o ma a he kaa bɔ nɛ ayɛflo bua jɔɔ june nɛ e wo he ɔ.

Yesaya 66:20

Jamɛ a be ɔ, a kɛ a nyɛmimɛ Israel fɔfɔɛhi tsuo nɛ ngɛ je ma amɛ a mi ɔ maa ba; a maa ngɔ mɛ ba ke imi Yawɛ kaa bɔ. A maa ngɔ mɛ kɛ ba ye yo klɔuklɔu ɔ nɔ ngɛ Yerusalem. A maa hi okpɔngɔhi, teji okpɔngɔhi, kɛ afukpɔngɔhi a nɔ kɛ ba. A maa hi ta zugba lɛhi, kɛ apakɛɛhi hu a mi. A maa hɛɛ a nyɛmimɛ ɔmɛ kɛ maa ba kaa bɔ nɛ Israel bi hɛɛɔ a ngma bɔ ngɛ níhi nɛ a he tsɔ mi kɛ baa Yawɛ we ɔ.

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Amos 9:14

Ma kpale nyɛ, ye ma a kɛ ba nyɛ zugba a nɔ ekohu. Nyɛ ma ba dla nyɛ ma doku ɔmɛ, nɛ nyɛ maa hi a mi. Nyɛ ma du wai yiblii, nɛ nyɛ ma na wai maa nu. Nyɛ ma hu ngmɔ, nɛ nyɛ maa ye e mi ní.

Mika 7:12

Nyɛ ma mi bi ɔmɛ maa kpale kɛ ba nyɛ ngɔ ekohu. A maa je Asiria ngɛ bonyoku je, kɛ Egipt ngɛ leneyi je. A maa je Yufrate pa a he, kɛ wo se, kɛ yo ɔmɛ a nɔ tsitsaa lokoo kɛ ba.

Hagai 2:7

Ma ngɔ je mahi tsuo ngɔ fia si, nɛ a maa muɔ a juetli babauu ɔ kɛ ba hiɛ ɔ, nɛ Mawu we ɔ ma hyi tɔtɔɔtɔ kɛ níhi nɛ a he jua wa.

Mateo 8:11

I ngɛ nyɛ dee ke nihi babauu maa je beleku, kɛ bonyoku kɛ ba, nɛ a kɛ Abraham, kɛ Isak, kɛ Yakob ma ba ye ní ngɛ hiɔwe matsɛ yemi ɔ mi.

Yohane 4:35

Tse nyɛ deɔ ke, ‘E piɛ hlami eywiɛ nɛ a ma kpa ní.’ Se i ngɛ nyɛ dee ke, nyɛɛ hyɛ ngmɔ ɔmɛ a nɔ kɛ kpe, nɛ nyɛ maa na kaa ní ba, nɛ e kpami be su nɛ a ma bua nya.

Ni Tsumi 13:44

Hejɔɔmi ligbi nɛ nyɛɛ se ɔ, ma a tsuo tu kɛ ba, nɛ a ba bu Nyɔmtsɛ ɔ munyu ɔ tue.