Yesaya 60:18 - BAIBLO ALOO NGMAMI KLƆUKLƆU Ɔ

¹⁸ A be yi mi wami he nue ngɛ zugba a nɔ hu; a be ní puɛmi, kɛ hɛ mi kpatami he nue ngɛ o huza amɛ a nɔ hu. Ma bu o he, nɛ ma fa o he. Ma pee kaa gbogbo ngɛ o se. Nɛ o ma je ye yi, ejakaa i he o yi wami.

Yesaya 60:18 ပူးပေါင်းရင်းမြစ်များ

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

Zakaria 9:8

Ma bu ye zugba a he nɛ nɔ ko kó ba tua mɛ. I be yiwutsotsɛmɛ blɔ ngmɛe hu nɛ a ba ye ye ma a nɔ. Imi nitsɛ i ngɛ hyɛe kɛ ye hɛngmɛ paa.

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Mika 4:3

E ma dla je ma nguanguahi babauu a kpɛti, ni nɛmɛ nɛ a he kɛ we, kɛ ni nɛmɛ nɛ ngɛ tsitsaa lokoo. A kɛ a klaate ɔmɛ maa sɔ̃ kpakplaahi nɛ akplɔ ɔmɛ hu, a kɛ maa sɔ̃ tso he suami hahi. Je ma amɛ be ta hwue hu gblegbleegble; a be dlae kɛ ha ta hu kɔkɔɔkɔ.

Samuel II, 7:10

I hla hi he ko ha ye ma Israel, nɛ i to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je benɛ a ba zugba nɛ ɔ nɔ ɔ, be nɛ manyadali lɛ ngɛ a nɔ yee ɔ, nɔ́ sɔuu nɛ ye ma a ngɛ nae ngɛ nimli yayamihi a dɛ mi. Se enɛ ɔ tsuo se maa po. I ngɛ si woe kaa ma ha o maa ye o he kɛ je o he nyɛli ɔmɛ tsuo a dɛ mi; nɛ o bimɛ ma ba ye zugba nɛ ɔ nɔ.

La 147:14

E haa tue mi jɔmi baa o zugba a nɔ, nɛ niye ní buu tɔ.

Yesaya 26:2

Nyɛ bli agbo ɔmɛ, konɛ je ma amɛ nɛ peeɔ nɔ nɛ da, nɛ a yeɔ anɔkuale ɔ, a sɛ mi.

Yesaya 51:19

Haomi enyɔ nɛ ɔmɛ ba o nɔ; ta ba kpata o zugba a hɛ mi, nɛ hwɔ nɛ nya wa ngɛ ni ɔmɛ yee. Mɛnɔ maa jɔɔ o bua?

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Yesaya 56:5

ye ma a ma kai o biɛ ngɛ ye we ɔ pe binyumuhi, loo biyihi nɛ o ngɛ po. Ma ha mo biɛ kpakpa nɛ a ma kai kɛ maa ya neneene.”

Yesaya 60:11

O ma a agbo ɔmɛ maa hi blibli daa nyɔ kɛ pia, konɛ je ma amɛ nɛ a ngɔ a ní tsuo kɛ ba be tsuaa be; a maa nyɛɛ a matsɛmɛ ɔmɛ a hɛ mi kɛ ba.

Yesaya 60:17

“Akɔblee nane mi ɔ, ma ngɔ sika tsu kɛ ba, dade nane mi ɔ, sika hiɔ, tso nane mi ɔ, akɔblee, nɛ tɛ nane mi ɔ, dade. O nɔ yeli ɔmɛ be mo yi mi wae hu. Ma ha a maa ngɔ dami sane yemi, kɛ he jɔmi kɛ hyɛ o nɔ.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Yesaya 62:4

A be mo tsɛe hu ke, “Nɔ nɛ a kua lɛ,” nɛ a be o zugba hu tsɛe ke, “Yo nɛ a fie lɛ kɛ je gba we.” Se a ma tsɛ mo ke, “Mawu ná e he bua jɔmi,” nɛ o zugba a, a ma tsɛ lɛ “Ayɛflo,” ejakaa Yawɛ bua jɔ o he, nɛ e maa ngɔ o zugba a kɛ pee kaa e we ayɛflo.

Yesaya 62:7

A hi lɛ kaie kɛ yaa si e maa to Yerusalem si saminya ekohu. Nɛ ma a maa pee ma nɛ je ɔ tsuo ma je e yi.

Yesaya 62:10

Yerusalem bi, nyɛɛ je kpo; nyɛɛ gu agbo ɔmɛ a mi kɛ je kpo! Nyɛɛ je gbɛjegbɛ kɛ ha ma a; nyɛ kukuɔ a nɔ tɛhi tsuo. Nyɛɛ si aflangaa nɛ je ma amɛ nɛ a na.

Zefania 3:19

Be ma! Ma gbla nihi nɛ waa nyɛ yi mi ɔ a tue; ma he akpaketsɛmɛ ɔmɛ tsuo a yi wami, nɛ ma kpale nihi nɛ a nuu nyɔguɛ ɔ kɛ ba we ekohu. Ma tsake a zo ɔ kɛ pee hɛ mi nyami, nɛ je ɔ tsuo ma je a yi.

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

Zakaria 2:9

“Yawɛ nitsɛ kɛ nyɛ maa to ní, nɛ nyɛ ni tsɛmɛ nyɛ nyɔguɛ ɔmɛ maa ha nyɛ ní.” Ke nɔ nɛ ɔ ba mi pɛ nɔ tsuaa nɔ maa le kaa Yawɛ Tabohiatsɛ ɔ lɛ tsɔ mi.