Yesaya 60:12 - BAIBLO ALOO NGMAMI KLƆUKLƆU Ɔ

¹² Je ma, loo nɔ yemi nɛ be mo sɔmɔe ɔ, a ma kpata e hɛ mi pɛsɛpɛsɛ.

Yesaya 60:12 ပူးပေါင်းရင်းမြစ်များ

Yesaya 54:15

Ke nɔ ko ba tua mo ɔ, pi imi nɛ i tsɔ lɛ; nɔ tsuaa nɔ nɛ ma ba tua mo ɔ, jamɛ a nɔ ɔ be mo nyɛe.

Daniel 2:35

Amlɔ ɔ, dade ɔ, zu ɔ, akɔblee ɔ, sika hiɔ ɔ, kɛ sika tsu ɔ tsuo ywia wɔtsɔwɔtsɔ, nɛ a pee kaa bunyuku nɛ pueɔ si ngɛ ngma mi sami he ngɛ latsa be mi. Kɛkɛ nɛ kɔɔhiɔ ba muɔ mɛ kɛ je, nɛ a nɛ mɛ ngɛ he ko he ko hu. Se tɛ ɔ nɛ ba fia amaga a lɛɛ e ba pee yo agbo nɛ ha je ɔ mi tsuo.

Yesaya 41:11

“Hyɛ, nihi tsuo nɛ a mi mi fu mo ɔ, zo maa gbe mɛ, nɛ a hɛ mi ma pue si. Nihi nɛ kɛ mo ná a, a hɛ mi ma kpata pɛsɛpɛsɛ.

Yesaya 14:2

Je ma amɛ maa ngɔ Israel bi ɔmɛ kɛ ba zugba nɛ Yawɛ ha mɛ ɔ nɔ ekohu, nɛ a ma ba sɔmɔ mɛ kaa nyɔguɛhi. Nihi nɛ nuu Israel nyɔguɛ sa a, jehanɛ lɛɛ Israel hu maa ye a nɔ.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Mateo 21:44

Nɔ tsuaa nɔ nɛ maa nɔ tɛ nɛ ɔ nɔ ɔ, e mi ma tsɔtslɔɔ; se nɔ nɛ tɛ ɔ maa nɔ e nɔ ɔ, e maa gblɛ lɛ mɔnyɔmɔnyɔ.]

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

La 108:13

Nɛ́ Mawu kɛ wɔ ngɛ nɛ ɔ, wa maa ye kunimi. Lɛ ji nɔ nɛ maa ye wa he nyɛli ɔmɛ a nɔ ha wɔ.

Yeremia 12:17

Se je ma nɛ be mi tue bue ɔ, ma kpata jamɛ a je ma a hɛ mi pɛsɛpɛsɛ. Imi, Yawɛ lɛ i de.”

Daniel 2:34

Benɛ o ngɛ amaga a hyɛe kɛ mwɔɔ ɔ, tɛ agbo ko nɛ nɔ ko nine sɛ he, hia kɛ je yo ɔ mi ba fia amaga a nanewɛɛhi nɛ a kɛ dade kɛ zu pee ɔ.

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Zakaria 9:10

Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”