Yesaya 60:1 - BAIBLO ALOO NGMAMI KLƆUKLƆU Ɔ

¹ Yerusalem, tee si nɛ o tso kaa pu; Yawɛ hɛ mi nyami ɔ ngɛ kpɛe ngɛ o nɔ.

Yesaya 60:1 ပူးပေါင်းရင်းမြစ်များ

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Yesaya 58:8

“Kɛkɛ ɔ, ye dloomi ɔ maa ba nyɛ nɔ kaa mɔtu pu la nɛ haa je mi tsɔɔ, nɛ nyɛ pa amɛ ma gbo mla. I kɛ nyɛ maa hi si be tsuaa be, konɛ ma he nyɛ yi wami. Ke nyɛ pee nɔ́ nɛ da a, lɔ ɔ maa je blɔ kpakpa ha nyɛ, nɛ ye hɛ mi nyami ɔ maa nyɛɛ nyɛ se, nɛ nyɛ maa ye manye.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Yohane 1:9

La nɛ ɔ ji la nɛ tsoɔ haa nimli adesahi tsuo.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

1 Petro 4:14

Ke nihi jɛ nyɛ kaa Kristo se nyɛɛli ji nyɛ ɔ, a gbaa nyɛ pɛ. Enɛ ɔ tsɔɔ kaa mumi nɛ hɛ mi ngɛ nyami, nɛ ji mumi nɛ je Mawu ngɔ ɔ kɛ nyɛ ngɛ.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Yesaya 9:2

Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.

Yohane 3:19

Nɔ́ nɛ nɔ nɛ a da kɛ bu mɛ fɔ ji nɛ ɔ nɛ: la a ba je ɔ mi, se adesa suɔ diblii ɔ mohu pe la a, ejakaa a peeɔ yayami.

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Kpojemi 21:11

nɛ e hɛɛ Mawu hɛ mi nyami ɔ, nɛ e ngɛ kpɛe. Ma a ngɛ kpɛe kaa tɛ nɛ he jua wa nitsɛnitsɛ, aloo yaspi tɛ; e mi hu tsɔ keikei kaa ahuhuɛ.

La 87:3

Mawu ma, bu tue! Yawɛ ngɛ ní kpakpahi dee ngɛ o he:

La 102:16

Yawɛ kpale ma Zion ekohu; e ma je e he wami kpetekpleenyɛ ɔ kɛ tsɔɔ.

Yesaya 2:5

Jehanɛ, nyɛ Yakob nina, nyɛ ha waa nyɛɛ ngɛ la nɛ Yawɛ ha wɔ ɔ mi!

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 28:5

Be ma nɛ Yawɛ Tabohiatsɛ ɔ maa pee kaa mɔmɔ jlasi saminyayoo kɛ ha e ma mi ni nɛmɛ nɛ a yi ma na wami ɔ.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yesaya 66:11

E ní nɛ e na a, nyɛ maa ye eko, nɛ nyɛ bua maa jɔ kaa bimwɔyo ngɛ e nyɛ nyɔ nya!

Yesaya 62:1

I be ye nya mae oo! I be ye nya mae! Yerusalem he je ɔ, i be ye nya mae kɛ yaa si a ma he ye ma a yi wami. Nɛ e kunimi yemi ɔ maa je kpo paa nɛ a maa na kaa jatɛ ngɛ diblii mi.

Yesaya 62:2

Yerusalem, je ma amɛ maa na kaa o ye kunimi, nɛ matsɛmɛ ɔmɛ tsuo maa na o hɛ mi nyami ɔ. A maa wo mo biɛ he. Biɛ nɛ Yawɛ nitsɛ maa wo mo ɔ, lɔ ɔ a kɛ ma tsɛ mo.

Ezekiel 43:4

Yawɛ hɛ mi nyami ɔ gu agbo nɛ ngɛ beleku je ɔ mi kɛ ya sɛ Yawɛ we ɔ.