Yesaya 6:9 - BAIBLO ALOO NGMAMI KLƆUKLƆU Ɔ

⁹ Kɛkɛ nɛ e de mi ke ma ya nɛ ma ya de ma a ke, “Nyɛ maa bu tue, se nyɛ be sisi nue; nyɛ maa hyɛ, se nyɛ be se kɔe.”

Yesaya 6:9 ပူးပေါင်းရင်းမြစ်များ

Abɛ Womi 28:5

Yayami peeli nui dami sane yemi sisi. Ni nɛmɛ nɛ sɔmɔɔ Yawɛ ɔ, mɛɛ lɛɛ a nuɔ sisi saminya.

Yesaya 28:13

Lɔ ɔ he je nɛ Yawɛ nitsɛ maa tsɔɔ nyɛ ní nyaa kikɛ nɛ ɔ nɛ: ngmami okadi kakaaka, zã kakaaka, kɛ munyu tso ɔ hu kakaaka; kɛkɛ ɔ, nane tsuaa nane nɛ nyɛ maa hia a, nyɛ ma tɛ nɔ́ nɛ nyɛ maa nɔ si. A maa plaa nyɛ; nyɛ maa du klama, nɛ a maa nuu nyɛ kɛ ho.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Yesaya 42:20

Israel, o naa níhi babauu, se o kɔ se lo? O ngɛ tue hu nɛ o kɛ nuɔ nɔ́, se mɛni tutuutu o nu?”

Yesaya 43:8

Mawu ke, “Tsɛ ye ma a kɛ ba nɛ waa kpe. A ngɛ hɛngmɛ, se a hyɛ we nɔ́, a ngɛ tue hulɔ, se a nui nɔ́!

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Ezekiel 12:2

E ke, “Nɔmlɔ adesa, nimli nɛ a tue wa a kpɛti o ngɛ ɔ nɛ. A ngɛ hɛngmɛ, se a hyɛ we nɔ́; a ngɛ tue hulɔ, se a nui nɔ́; ejakaa atuã tsɔli ji mɛ.

Hosea 1:9

Kɛkɛ nɛ Yawɛ de Hosea ke, “Wo lɛ biɛ ke, ‘Piyema’, ejakaa pi ye ma ji Israel, nɛ pi a Mawu ji mi.”

Marko 4:12

konɛ ‘Ke a na a, a ko kɔ se, nɛ ke a nu ɔ, a ko nu sisi. Ke pi jã a, a maa kpale kɛ ba Mawu ngɔ, nɛ e kɛ a he yayami ɔmɛ maa pa mɛ.’ ”

Luka 8:10

e de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi. Se ni kpa amɛ lɛɛ abɛ gbi mi nɛ a deɔ mɛ laami sane ɔmɛ ngɛ. Lɔ ɔ he ɔ, a maa hyɛ, se a be nae; a maa nu se a be sisi nue.”

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

Romabi 11:8

Kaa bɔ nɛ ngmami ɔ deɔ ɔ, “Mawu ha nɛ a pee kaa nihi nɛ lu; kɛ ba su mwɔnɛ nɛ ɔ, a ngɛ hɛngmɛ ji nɛ, se a hyɛ we nɔ́; nɛ a ngɛ tue hulɔ, se a kɛ nui nɔ́.”

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.