Yesaya 6:6 - BAIBLO ALOO NGMAMI KLƆUKLƆU Ɔ

⁶ Tlukaa a, seraf ɔ kake te kɛ ba ye ngɔ kɛ e dɛ mi la ngu hɛuu nɛ e kɛ abɛɛle ya kɔ ngɛ bɔ sami la tɛ ɔ nɔ.

Yesaya 6:6 ပူးပေါင်းရင်းမြစ်များ

Ezekiel 10:2

Kɛkɛ nɛ Mawu de nyumu ɔ nɛ ha kploba a ke, “Yaa sɛ tlɔɔke nane ɔmɛ a kpɛ ngɛ kerub ɔmɛ a sisi. Ngɔɔ o nine enyɔ ɔmɛ kɛ ya muɔ la ngu hɛuu ɔ eko nɛ o fĩa ngɔ pue ma a nɔ.” I na nɛ́ nyumu ɔ pee ja niinɛ.

Hebribi 13:10

Wa ngɛ bɔ sami la tɛ ko nɛ nihi nɛ sɔmɔɔ ngɛ bo tsu ɔ mi ɔ be he blɔ kaa a yeɔ e nɔ ní.

Hebribi 1:7

Bɔfo ɔmɛ lɛɛ nɔ́ nɛ Mawu de ngɛ a he ji, “Mawu haa e bɔfo ɔmɛ peeɔ kaa kɔɔhiɔ, nɛ e tsɔli ɔmɛ peeɔ kaa la lilɛhi.”

Yesaya 6:2

Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Mose III, 16:12

e ngɔ ngɛyu kɛ je la ngɛ bɔ sami la tɛ ɔ nɔ, nɛ e piti tsopa kɛ e he via nɛ a wɛɛ lɛ bukɔbukɔ dɛ kɔkɔ enyɔ, nɛ e kɛ sɛ he klɔuklɔu pe kulaa a.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Ni Tsumi 2:3

Nɛ ní komɛ kaa la lilɛ nɛ a gba mi ba ma a yi mi kakaaka.

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Mose IV, 16:46

nɛ Mose de Aaron ke, “Ngɔɔ ngɛyu ɔ, nɛ o je la ngɛ bɔ sami la tɛ ɔ nɔ kɛ wo mi. Ngɔɔ tsopa kɛ e he via kɛ pue nɔ, nɛ o hɛɛ kɛ ya ma a ngɔ esɔesɔ, nɛ o ya kpata Yawɛ ha mɛ. Yawɛ mi mi fu, nɛ gbenɔ hiɔ ɔ je sisi.”

Mose II, 25:38

Kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu ɔ hu a ngɔ sika tsu ngmingmiingmi kɛ pee.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.