Yesaya 6:3 - BAIBLO ALOO NGMAMI KLƆUKLƆU Ɔ

³ A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Yesaya 6:3 ပူးပေါင်းရင်းမြစ်များ

Ezra 3:11

Ma kpekpemi ɔ la yi jemi la, kɛ sina la kɛ ha Yawɛ; nɛ munyu nɛ a kɛ heɔ la a nɔ ɔ, a ti mi si abɔ ke, “Yawɛ hi, nɛ e suɔmi nɛ e kɛ suɔ Israel ɔ ngɛ kɛ yaa neneene.” Jehanɛ benɛ a fia Yawɛ we ɔ sisi tomi ɔ ta a, ma kpekpemi ɔ tsuo hwɔ lele nɛ a je Mawu yi.

La 57:11

Mawu, ha nɛ o he wami kpetekpleenyɛ ɔ nɛ je kpo ngɛ hiɔwe lokoo, konɛ a na o hɛ mi nyami ɔ ngɛ je ɔ mi tsuo.

La 66:2

Nyɛ la kɛ je e yi. Nyɛɛ wo e hɛ mi nyami saminya!

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

La 8:2

O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

La 90:16

Ha nɛ wɔ, o tsɔli ɔmɛ, waa na o ní tsumi ɔmɛ. Ha nɛ wa bimɛ ɔmɛ nɛ a na o he wami kpetekpleenyɛ ɔ.

La 97:6

Hiɔwe ngɛ fiɛe kɛ ngɛ dee ke, “Yawɛ ɔ, dalɔ ji lɛ!” Je ma amɛ tsuo na e hɛ mi nyami ɔ.

La 99:3

Nihi tsuo ma je e biɛ kpetekpleenyɛ ɔ yi; a ma je e biɛ nɛ he ngɛ gbeye ɔ yi. E ngɛ klɔuklɔu!

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Yesaya 24:16

Wa nu yi jemi lahi nɛ a ngɛ lae kɛ je je mi nyagbe he ɔmɛ kɛ ngɛ dalɔ ɔ hɛ mi nyami woe. Se imi lɛɛ, hɛ kɛ nɔ fɔmi ko kulaa be ha mi! He lo kɛkɛ i ngɛ tae. Ye yi ta pɛ! Yi mi sɔuu nɛ nihi ngɛ a sibi wae kpamisa.

Yesaya 40:5

Kɛkɛ ɔ, Yawɛ hɛ mi nyami ɔ maa je kpo paa nɛ nimli adesahi tsuo maa na. Bɔ nɛ Yawɛ de to ji nɛ ɔ nɛ.”

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Ezekiel 43:2

Kɛkɛ nɛ i na Israel Mawu ɔ hɛ mi nyami ɔ nɛ ngɛ kpɛe plamplam kɛ je beleku je kɛ ma. Mawu gbi ngɛ pɛe hoo kɛ ma kaa wo nɛ gli; nɛ lejɛ ɔ tsuo pee hleii kɛ e hɛ mi nyami ɔ.

Ezekiel 44:4

Lɔ ɔ se ɔ, nyumu ɔ kɛ mi ya gu omleyi je agbo ɔ mi kɛ ba we ɔ hɛ mi, nɛ i na Yawɛ hɛ mi nyami ɔ nɛ hyi we ɔ tɔ. I ngɔ ye hɛ mi kɛ bu si.

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Mose IV, 14:21

Se anɔkuale, ligbi abɔ nɛ ye hɛ ngɛ, nɛ imi Yawɛ, ye hɛ mi nyami ma hyi zugba a tsuo tɔ ɔ,

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.