Yesaya 6:2 - BAIBLO ALOO NGMAMI KLƆUKLƆU Ɔ

² Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Yesaya 6:2 ပူးပေါင်းရင်းမြစ်များ

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Ezekiel 1:11

A gbɛ a pɛli ɔmɛ a mi; a wo enyɔɔnyɔ nɔ ya bua nya ngɛ hiɔwe, nɛ nɔ tsuaa nɔ nɔ́ kɛ nɔ nɛ ngɛ e kasa nya a nɔ́ tsa; nɛ enyɔ ɔmɛ nɛ piɛ ɔ, a kɛ ha a nɔmlɔ tso ɔmɛ a he.

La 104:4

O ngɔ kɔɔhiɔ kɛ pee o tsɔlɔ, nɛ oslabai la a pee o sɔmɔlɔ.

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

Yesaya 6:6

Tlukaa a, seraf ɔ kake te kɛ ba ye ngɔ kɛ e dɛ mi la ngu hɛuu nɛ e kɛ abɛɛle ya kɔ ngɛ bɔ sami la tɛ ɔ nɔ.

La 18:10

E hi kerub nɔ kɛ te; e he sɔ kɛ nyɛɛ kɔɔhiɔ mi kɛ ba.

Matsɛmɛ I, 6:24

Kerub enyɔ ɔmɛ a nɔ́ tsuaa nɔ́ sɔ fiee. Eko tsuaa eko hiɔwe yami ji nine mi blimi nyingmi enyɔ. A ngɛ pɛli enyɔɔnyɔ; pɛli kake mi blimi ji nine mi blimi nyɔngma. Lɔ ɔ he ɔ, pɛli enyɔ ɔmɛ nɛ a tsa kɛ je hiɛ kɛ ya si hiɛ ɔ peeɔ nine mi blimi nyingmi enyɔ.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 8:13

Kɛkɛ nɛ i hyɛ, nɛ i nu kɔle ko he nɛ te kɛ bee ngɛ hiɔwe lokoo. Kɔle ɔ ngɛ munyu tue kɛ gbi wawɛɛ ke, “Musu oo musu! Musu oo musu! Nihi tsuo nɛ maa hi je ɔ mi be mi nɛ bɔfo etɛ ɔmɛ ma kpa titimati ɔmɛ nɛ piɛ ɔ, musu tloo mɛ!”

Kpojemi 7:11

Bɔfo ɔmɛ tsuo daa si kɛ bɔle matsɛ sɛ ɔ, kɛ nikɔtɔma amɛ, kɛ hɛ kali eywiɛ ɔmɛ. Kɛkɛ nɛ a ngɔ a hɛ mi ngɔ bu si ngɛ matsɛ sɛ ɔ hɛ mi, nɛ a ja Mawu,

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Ezekiel 10:21

Kerub tsuaa kerub ngɛ hɛ mi eywiɛ kɛ pɛli eywiɛ, kɛ nɔ́ ko kaa nɔmlɔ nine ngɛ pɛli tsuaa pɛli sisi.

Ezekiel 1:24

Benɛ a te kɛ yaa a, i nu a pɛli ɔmɛ a he kaa wo nɛ ngɛ fiae gudaguda, loo ta buli a ngmlaa hoo, loo Mawu Ope ɔ nitsɛ e gbi. Benɛ hɛ kali ɔmɛ ya da si ɔ, a ba a pɛli ɔmɛ si,

Ezekiel 1:9

A pɛli ɔmɛ tsa a sibi a nya, nɛ ke a ngɛ nyɛɛe ɔ, a plɛ we a he: a ti nɔ tsuaa nɔ yaa e hɛ mi tɛɛ.

Ezekiel 1:6

se a ti nɔ tsuaa nɔ ngɛ hɛ mi eywiɛ kɛ pɛli eywiɛ.

Hiob 15:15

Hyɛ, Mawu bɔfo klɔuklɔu ɔmɛ po e kɛ e hɛ fɔ we a nɔ; mɛ nitsɛmɛ tete po a he tsɔ we ngɛ e hɛ mi.

Hiob 1:6

Ligbi ko ɔ, Mawu bimɛ ɔmɛ ba bua a he nya ngɛ Yawɛ hɛ mi, nɛ Satan hu piɛ a he kɛ ba.

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Matsɛmɛ I, 8:7

Kerub ɔmɛ gbɛ a pɛlihi a mi kɛ ha daka a, kɛ tsohi nɛ hɛɛ daka a tsuo a he.

Matsɛmɛ I, 6:27

Salomo kɛ kerub enyɔ ɔmɛ ma a sibi a kasa nya ngɛ he klɔuklɔu pe kulaa a. A gbɛ a pɛlihi a mi; kerub kake pɛli kɛ e nyɛmi nɔ́ nya ya kpe ngɛ tsu ɔ kpɛti. Pɛli enyɔ ɔmɛ nɛ piɛ ɔ, nɔ kake nɔ́ nya sa gbogbo he ngɛ hiɛ, nɛ nɔ kake hu nɔ́ nya sa gbogbo he ngɛ hiɛ.

Mose II, 37:9

Kerub ɔmɛ gbɛ a pɛlihi a mi kɛ ya hiɔwe nɛ a kɛ ha nya nɔ́ ɔ he. A plɛ a hɛ mi ngɔ kpee a sibi, nɛ a ngɛ nya nɔ́ ɔ nɔ hyɛe.

Mose II, 25:20

Kerub ɔmɛ nɛ a gbɛ a pɛlihi a mi kɛ ya hiɔwe nɛ a kɛ ha daka a nya nɔ́ ɔ he. A plɛ a hɛ mi ngɔ kpee a sibi, nɛ a hi nya nɔ́ ɔ nɔ hyɛe.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Hiob 4:18

Mawu tsɔli ɔmɛ ngɛ hiɔwe tete po Mawu he we mɛ yi. E bɔfo ɔmɛ nitsɛnitsɛmɛ po, e naa tɔmi ngɛ a he.

Matsɛmɛ I, 19:13

Benɛ Eliya nu gbi nɛ ɔ, e kɛ e tade klɔii ɔ ha e hɛ mi, nɛ e je kpo ya da si ngɛ tɛ puɔ ɔ nya. Kɛkɛ nɛ gbi ko bi lɛ ke, “Eliya, mɛni o ngɛ pee ngɛ hiɛ ɔ?”

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Hebribi 1:7

Bɔfo ɔmɛ lɛɛ nɔ́ nɛ Mawu de ngɛ a he ji, “Mawu haa e bɔfo ɔmɛ peeɔ kaa kɔɔhiɔ, nɛ e tsɔli ɔmɛ peeɔ kaa la lilɛhi.”

Luka 1:10

Be mi nɛ a ngɛ tsopa kɛ e he via a sãe ɔ, ma kpekpemi ɔ ngɛ sɔlee ngɛ ablanaa a mi.

Zakaria 3:4

Kɛkɛ nɛ Yawɛ bɔfo ɔ de nihi nɛ daa si ngɛ e hɛ mi ɔ ke, “Nyɛ je tade sɛmusɛmu ɔ ngɛ e he.” Jehanɛ Yawɛ bɔfo ɔ de Yoshua ke, “I je o he yayami ɔmɛ; ma ha mo tade saminyayoo nɛ o wo.”

Daniel 9:21

Benɛ i ngɛ sɔlee kɛ mwɔɔ ɔ, Gabriel nɛ i na lɛ ngɛ kekleekle nina a mi ɔ te kɛ ba he nɛ i ngɛ ɔ. Jamɛ a be ɔ mi lɛ a sãã gbɔkuɛ bɔ ɔ nɛ.

Ezekiel 10:16

nɛ a bɔni nyɛɛmi ɔ, tlɔɔke nane ɔmɛ hu nyɛɛɔ a kasa nya; nɛ ke kerub ɔmɛ gbɛ a pɛlihi a mi, konɛ a kɛ maa te ɔ, tlɔɔke nane ɔmɛ plɛ we a he kɛ ji kerub ɔmɛ a kasa nya.

Ezekiel 1:4

Ma wo ye yi nɔ ɔ, o nɛ ahumi nguaa ko nɛ hia kɛ je omleyi je kɛ ma. Oslabai ngɛ gbae nɔtonɔto kɛ ngɛ bɔku agbo ko mi jee. Hiɔwe ɔ nɛ bɔle bɔku ɔ tsuo ngɛ la pãe nylamnylam; nɔ́ ko ngɛ kpɛe kaa akɔblee ngɛ la a mi.

Nehemia 9:6

Nɛ a sɔle ke, “Yawɛ, mo nɔ kake pɛ ji Yawɛ, mo nɛ o pee hiɔwe ɔ, kɛ dodoe ɔmɛ ngɛ kɔɔhiɔ mi. Mo nɛ o pee zugba kɛ wo, kɛ nɔ́ tsuaa nɔ́ nɛ ngɛ a mi, nɛ o ha mɛ tsuo wami. Hiɔwe ta a kplaa si haa mo, nɛ a jaa mo.