Yesaya 6:12 - BAIBLO ALOO NGMAMI KLƆUKLƆU Ɔ

¹² Ma ha a maa je zugba a nɔ kɛ ya tsitsaa he ko, nɛ zugba a tsuo nɔ maa je gu.

Yesaya 6:12 ပူးပေါင်းရင်းမြစ်များ

Yeremia 4:29

Ke ma a nu okpɔngɔ ɔmɛ, kɛ kɛ̃ɛ̃ tsɛ̃li ɔmɛ a he ɔ, nɔ tsuaa nɔ maa tu fo kɛ je. Ni komɛ ma ya sɛ pu mi, nɛ ni komɛ ma ya kuɔ tɛ sahi. A ma si ma amɛ tsuo ngɔ fɔ si, nɛ nɔ ko nɔ ko be a mi hie hu.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Kɔmɔ Yemi 5:20

Mɛni he je o hɛ je wa nɔ pɛsɛpɛsɛ ɔ? Mɛni he je o ngmɛɛ wa he be babauu nɛ ɔ?

Yeremia 15:4

Nɔ́ nɛ Yuda matsɛ, Manase, Hezekia bi ɔ pee benɛ e ngɛ tsɛ yee ngɛ Yerusalem he je ɔ, ma gbla a tue wawɛɛ nitsɛ, nɛ nɔ́ nɛ ɔ ma ha nɛ je ma amɛ tsuo maa ye gbeye.”

Yeremia 12:7

Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Yesaya 26:15

Yawɛ, mo lɛ o ha wa ma a he hiɛ babauu; o bli wa huzu ɔmɛ a mi kɛ kpe, nɛ enɛ ɔ ha o hɛ mi ba nyami.

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Matsɛmɛ II, 25:11

Ni nɛmɛ nɛ piɛ ngɛ ma a mi, kɛ ni nɛmɛ nɛ kú nigii kɛ ho Babilonia matsɛ ɔ ngɔ ya a, Nebuzaradan ngɔ mɛ tsuo kɛ ho Babilonia ya.

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

Yesaya 13:12

Nihi nɛ a yi ma na wami ɔ, a he be hiɛe kulaa; nimli adesahi a he maa hia pe sika tsu ngmingmiingmi.

Yeremia 52:27

Babilonia matsɛ ɔ fia mɛ ní, nɛ e gbe mɛ ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Zefania 1:3

nimli adesahi, pu mi lohwehi, lohwe pɛlitsɛmɛ, lohi, kɛ yiwutsotsɛmɛ tsuo pɛpɛɛpɛ. Ma kpata nimli adesahi tsuo kulaa a hɛ mi, nɛ nɔ kake ngmelu po be piɛe. Imi, Yawɛ lɛ i de.