Yesaya 6:11 - BAIBLO ALOO NGMAMI KLƆUKLƆU Ɔ

¹¹ I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 6:11 ပူးပေါင်းရင်းမြစ်များ

Yesaya 1:7

Nyɛ zugba a hɛ mi kpata; a sã nyɛ ma amɛ. Nibwɔhi ngɛ nyɛ zugba a ngɔe ngɛ nyɛ dɛ pani nya, nɛ a ngɛ nɔ́ tsuaa nɔ́ hɛ mi kpatae.

La 94:3

Yawɛ, kɛ yaa si mɛni be lɛ yayami peeli maa hi nyae? A maa hi mle yee kɛ yaa si mɛni be?

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

La 90:13

Mɛni be o mi mi fumi ɔ se maa po? Yawɛ, naa wɔ, o tsɔli ɔmɛ mɔbɔ!

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

La 79:5

Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

La 74:10

Mawu, kɛ yaa si mɛni be lɛ wa he nyɛli ɔmɛ maa muɔ mo? Anɛ a maa gbe o biɛ ɔ he guɛ kɛ maa ya neneene lo?

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

Yesaya 13:12

Nihi nɛ a yi ma na wami ɔ, a he be hiɛe kulaa; nimli adesahi a he maa hia pe sika tsu ngmingmiingmi.

Yesaya 32:14

Mɔ ɔ po, nɔ ko nɔ ko be mi hie hu; nɛ ma nɛ hyi tɔ kɛ nimli babauu ɔ maa pee ma doku. Wehi, kɛ mɔhi nɛ bɔle mɛ kɛ kpe ɔ, a hɛ mi ma kpata kɛ maa ya neneene. Nga mi tejihi ma na bua jɔmi ngɛ lejɛ ɔ, nɛ tohi hu, lejɛ ɔ a maa ye ní ngɛ.

Yesaya 35:1

Nga zugba kpataa nɛ gbli ɔ ma na bua jɔmi; zia zugba a ma nya, nɛ mɔmɔhi maa puɛ ngɛ nɔ.

Yesaya 60:15

“A be mo kuae, nɛ a be mo nyɛe hu kaa sa be ko nɛ o pee ma doku nɛ nɔ ko gui lejɛ ɔ. Ma wo o nɔ gojoo, nɛ o he maa pee fɛu. O maa pee he nɛ bua jɔmi maa hi daa.

Yesaya 64:10

O ma klɔuklɔu ɔ plɛ pee nga kplanaa. Zion plɛ pee nga nɔ, nɛ Yerusalem pee ma doku.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Yeremia 44:2

Yawɛ Tabohiatsɛ, Israel Mawu ɔ ke, “Nyɛ nitsɛmɛ nyɛ na bɔ nɛ i kpata Yerusalem, kɛ Yuda ma kpa amɛ a hɛ mi. Amlɔ nɛ ɔ, ma amɛ pee ma dokuhi nɛ nɔ ko nɔ ko be a mi,

Yeremia 52:27

Babilonia matsɛ ɔ fia mɛ ní, nɛ e gbe mɛ ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Ezekiel 6:6

Nyɛ ma amɛ nɛ nyɛ ngɛ a mi ɔ ma ba pee ma dokuhi. Nyɛ jami he ɔmɛ a hɛ mi ma kpata; kɛkɛ ɔ, nyɛ bɔ sami la tɛ ɔmɛ, kɛ amaga amɛ maa ku dukuduku ngɔ pue si. Níhi nɛ nyɛ sãã tsopa kɛ e he via ngɛ mi ɔ maa ywia, nɛ nyɛ nine nya ní tsumi ɔmɛ tsuo a hɛ mi ma kpata.

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Mika 5:11

Ma kpata ma amɛ a hɛ mi ngɛ nyɛ zugba a nɔ, nɛ ma ku nyɛ mɔ ɔmɛ tsuo ngɔ pue si.

Mika 6:13

Lɔ ɔ he ɔ, i je sisi bɔni nyɛ tue gblami momo; ma kpata nyɛ hɛ mi ngɛ nyɛ yayami ɔmɛ a he.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Mose V, 28:62

E ngɛ mi kaa nyɛ ma ba fɔ babauu nɛ nyɛ he maa hiɛ kaa dodoehi ngɛ hiɔwe lɛɛ, se nyɛ ti nihi bɔɔ pɛ nɛ a yi ma na wami; ejakaa nyɛ bui Yawɛ, nyɛ Mawu ɔ gbi tue.

Mose V, 28:63

Kaa bɔ nɛ Yawɛ bua jɔ nyɛ he, nɛ e ha nyɛ plɔke, nɛ nyɛ he hiɛ babauu ɔ, jã kɛ̃ e bua maa jɔ e he, nɛ e ma kpata nyɛ hɛ mi pɛsɛpɛsɛ. A maa fie nyɛ kɛ je zugba nɛ nyɛ yaa ngɔ ɔ nɔ.

Mika 7:13

Se zugba a hɛ mi ma kpata; ejakaa nihi nɛ ngɛ zugba a nɔ ɔ, yiwutsotsɛmɛ ji mɛ.