Yesaya 6:10 - BAIBLO ALOO NGMAMI KLƆUKLƆU Ɔ

¹⁰ E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Yesaya 6:10 ပူးပေါင်းရင်းမြစ်များ

Mateo 13:15

Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Ni Tsumi 28:27

Ejakaa ma nɛ ɔ nui nɔ́ sisi kulaa; nɔ́ ko nɔ́ ko sɛ we a tue mi. Ke pi jã a, a maa hyɛ nɔ́, nɛ a maa nu nɔ́, nɛ a juɛmi ma kɔ nɔ́ se. Kɛkɛ ɔ, a maa kpale kɛ ba imi Mawu, ye ngɔ, nɛ ma he a yi wami.’ ”

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Yeremia 6:10

I he nɔ ke, “Ke i kɛ mɛ tu munyu nɛ i ka a hɛ mi ɔ, mɛnɔ maa bu mi tue? Ni ɔmɛ a tue wa, nɛ a sume kaa a maa bu o munyu ɔ tue. Ke o ha mi sɛ gbi nɛ i ya de mɛ ɔ, pe a muɔɔ mi; a nya we he.

Zakaria 7:11

“Se ye ma a bui mi tue fɛɛ; a si a konɔ wo mi, nɛ a tsi a tue, konɛ a ko nu nɔ́ nɛ i ngɛ mɛ dee ɔ.

Yesaya 63:17

Yawɛ, mɛni he je o haa nɛ wa tlaa blɔ kɛ jeɔ o blɔ ɔmɛ a nɔ, nɛ wa kpliiɔ wa tsui, konɛ wa ko ye mo gbeye ɔ? Israel ma a, o nɔ, nɛ o tsɔli ji wɔ tsuo. Mo nitsɛ o nihi ji wɔ; lɔ ɔ he ɔ, kpale kɛ ba!

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

La 17:10

Mɔbɔ nami ko be a mi; he nɔ womi munyuhi lɛ jeɔ a nya.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

La 119:70

Mɛɛ lɛɛ a nui nɔ́ ko nɔ́ ko sisi, se imi lɛɛ i naa o mlaa a he bua jɔmi.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 11:10

Mose kɛ Aaron pee nyakpɛ ní nɛ ɔmɛ tsuo ngɛ Farao ɔ hɛ mi; se Yawɛ kplii Farao ɔ tsui, nɛ e ha we nɛ Israel bi ɔmɛ nɛ a je zugba a nɔ kɛ ho.

Mose II, 10:27

Se Yawɛ kplii Farao ɔ tsui ekohu, nɛ e ha we nɛ a ya.

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Yesaya 19:22

Yawɛ maa fiaa Egipt bi ɔmɛ ní, se lɛ nɔuu ji nɔ nɛ ma tsa mɛ. A maa kpale kɛ ba e ngɔ; e maa bu a kue fami ɔmɛ tue, nɛ e ma tsa mɛ.

Mose II, 7:3

Se ma kplii Farao ɔ tsui. Ma pee okadihi, kɛ nyakpɛ níhi babauu ngɛ Egipt zugba a nɔ, se Farao ɔ be nyɛ tue bue.

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

La 69:23

Ha nɛ a hɛngmɛ nɛ yu, konɛ a ko hyɛ nɔ́ hu! Ha nɛ a se tso nɛ kpɛ.

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Kɔmɔ Yemi 3:65

Moo gbiɛ mɛ, nɛ o ha a tsui nɛ ye mɛ

Zakaria 11:15

Enɛ ɔ se ɔ, Yawɛ de mi ke, “Jehanɛ lɛɛ ngɔɔ o he ngɔ pee kaa to hyɛlɔ nɛ he be se nami.

Mose V, 29:3

Nyɛ na gbenɔ hiɔ gbeyegbeye ɔmɛ, okadi ɔmɛ, kɛ nyakpɛ ní nguangua amɛ nɛ Yawɛ pee ɔ.

Abɛ Womi 16:30

Nihi nɛ muɔɔ nɛ a jeɔ a lungu kpo kɛ tsɔɔ mo, nɛ a hii a hɛngmɛ fiae kɛ ha mo ɔ, ga yayami a ngɛ toe ɔ nɛ. Moo hyɛ mɛ saminya.

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.

Yesaya 28:13

Lɔ ɔ he je nɛ Yawɛ nitsɛ maa tsɔɔ nyɛ ní nyaa kikɛ nɛ ɔ nɛ: ngmami okadi kakaaka, zã kakaaka, kɛ munyu tso ɔ hu kakaaka; kɛkɛ ɔ, nane tsuaa nane nɛ nyɛ maa hia a, nyɛ ma tɛ nɔ́ nɛ nyɛ maa nɔ si. A maa plaa nyɛ; nyɛ maa du klama, nɛ a maa nuu nyɛ kɛ ho.

Yesaya 29:9

Nyɛɛ ya nɔ nɛ nyɛɛ hi biɛe, nɛ nyɛɛ pee nyɛ he nihi nɛ li nɔ́! Nyɛɛ pee nyɛ he hɛ yuyuili! Nyɛɛ pee nyɛ he dã tɔli, be mi nɛ nyɛ nui wai ko! Nyɛ tataa si kaa dã tɔli, be mi nɛ nyɛ nui dã nɛ nya wa ko!