Yesaya 59:3 - BAIBLO ALOO NGMAMI KLƆUKLƆU Ɔ

³ Nyɛ yeɔ fɔ, ejakaa nyɛ pueɔ muɔ si, nɛ nyɛ peeɔ yayamihi babauu. Yi wu tso níhi a he sɔuu nyɛ susuɔ, nɛ munyuhi nɛ jeɔ nyɛ nya a, lakpa sɔuu.

Yesaya 59:3 ပူးပေါင်းရင်းမြစ်များ

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Ezekiel 13:8

Lɔ ɔ he ɔ, Nyɔmtsɛ Yawɛ ngɛ dee ke, “Akɛnɛ yakayaka níhi nyɛ gbaa, nɛ lakpa níhi nyɛ naa he je ɔ, niinɛ, i kɛ nyɛ ná! Imi, Nyɔmtsɛ Yawɛ lɛ i de.

Yeremia 2:34

Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yesaya 1:21

Ma nɛ sa a, e yeɔ anɔkuale ɔ, jehanɛ lɛɛ hyɛ, e ngɛ e ní pee kaa yaholɔ! Sa be ko ɔ, nimli nɛ peeɔ nɔ́ nɛ da nɛ a hyi ma a mi tɔ, se jehanɛ lɛɛ awi yeli sɔuu lɛ piɛ ngɛ ma a mi.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Ezekiel 35:6

Lɔ ɔ he ɔ, imi Nyɔmtsɛ Yawɛ, i ngɛ ye he kita kae ke a ma kpata o hɛ mi; o yi be wami nae kɔkɔɔkɔ. O pue muɔ si, lɔ ɔ he ɔ, a ma pue mo hu o muɔ si.

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Ezekiel 7:23

“Nɔ́ tsuaa nɔ́ maa pee basaa; zugba a tsuo nɔ ma hyi kɛ muɔ si puemi, nɛ ma a mi maa pee gidigidi.

Yeremia 7:8

“Nyɛɛ hyɛ, lakpa munyuhi nɛ a he be se nami ɔ, nyɛɛ lɛɛ lɔ ɔmɛ nyɛ heɔ yeɔ.

1 Timoteo 4:2

A maa pee a he lakpatsɛmɛ, kɛ nɔ sisili nɛ a he nile gbo pɛsɛpɛsɛ.

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Hosea 7:3

Yawɛ ke, “Nihi toɔ ga yayahi nɛ a kɛ sisiɔ matsɛ ɔ kɛ e nimeli ɔmɛ.

Ezekiel 22:2

nɛ e de mi ke, “Nɔmlɔ adesa, anɛ o pee klaalo nɛ o maa kojo ma nɛ muɔ si pɛ a pueɔ ngɛ mi ɔ lo? Ke jã a, lɛɛ ha nɛ e le ní hiemi níhi nɛ e pee ɔ tsuo.

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yesaya 9:15

Nikɔtɔmahi, kɛ nihi nɛ a buu mɛ ji yi ɔ nɛ; nɛ lakpa gbali ɔmɛ ji hlemi ɔ nɛ.

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Mika 3:4

Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.