Yesaya 58:3 - BAIBLO ALOO NGMAMI KLƆUKLƆU Ɔ

³ Ye ma mi bi ɔmɛ ngɛ bie ke, “Mɛni he je ke wa ha hwɔ nɛ Yawɛ nɛ ɔ? Mɛni he je ke wa wa wa he yi mi nɛ e li ɔ?” Yawɛ ngɛ mɛ dee ke, “Anɔkuale ɔ ji kaa be mi nɛ nyɛ ngɛ hwɔ hae ɔ, jamɛ a be ɔ mi nɔuu nyɛ tsuɔ ní kɛ hlaa nyɛ nitsɛmɛ nyɛ se nami, nɛ nyɛ waa nyɛ ní tsuli tsuo yi mi.

Yesaya 58:3 ပူးပေါင်းရင်းမြစ်များ

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Mose III, 16:29

Enɛ ɔ maa pee mlaa nɛ fɔɔ si kɛ yaa neneene. Nyɔhiɔ kpaagone ɔ we ligbi nɛ ji nyɔngma a, Israel fɔfɔɛ, kɛ nibwɔhi nɛ ngɛ a kpɛti tsuo maa ha hwɔ, nɛ a be nɔ́ ko nɔ́ ko tsue.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

Luka 15:29

Se e kɛ e tsɛ ɔ tu munyu saminya. E de lɛ ke, ‘Hyɛ jeha abɔ sɔuu nɛ i sɔmɔ mo kaa nyɔguɛ, i tɔ we o mlaa ko nɔ hyɛ nɛ. Mɛni o ha mi? To ku kake tete po o ha we mi, konɛ ma tsɛ ye huɛmɛ, nɛ i kɛ mɛ nɛ nya!

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yesaya 22:13

se nyɛ pee we ja; nyɛ muɔ nɛ nyɛ nya mohu. Nyɛ gbe to kɛ na nɛ nyɛ ye ní, nɛ nyɛ nu ní. Bɔ nɛ nyɛ de ji, “Nyɛ ha nɛ waa ye ní nɛ waa nu ní, ejakaa hwɔɔ pɛ wa ma gbo!”

La 69:10

Ke i ngɛ kɔmɔ yee nɛ i ngɛ hwɔ hae ɔ, ahlua mohu nɛ nihi bɔɔ mi.

Mose IV, 23:4

nɛ Mawu kɛ lɛ ya kpe ngɛ lejɛ ɔ. Balaam de Mawu ke, “I puɛ bɔ sami la tɛ kpaago ɔmɛ, nɛ i sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.”

Mose III, 23:27

nyɔhiɔ kpaagone ɔ we ligbi nɛ ji nyɔngma a ji kpatami ligbi ɔ nɛ. Jamɛ a ligbi ɔ, nyɛɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛɛ sã bɔ nɛ a kɛ la sãã ha Yawɛ.

Mose III, 16:31

Jamɛ a ligbi ɔ maa pee Hejɔɔmi ligbi nɛ a be nɔ́ ko nɔ́ ko tsue; nɔ tsuaa nɔ maa ha hwɔ. Mlaa nɛ ɔmɛ fɔɔ si ha mɛ kɛ yaa neneene.

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

Hiob 34:9

E deɔ ke e he be se nami kaa nɔ ko nɛ pee Mawu suɔmi nya ní.