Yesaya 57:6 - BAIBLO ALOO NGMAMI KLƆUKLƆU Ɔ

⁶ Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yesaya 57:6 ပူးပေါင်းရင်းမြစ်များ

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 7:18

Bimɛ lɛɔ lɛ́, nɛ tsɛmɛ slɛɔ la, nɛ nyɛmɛ pɔtɔɔ ma nɛ a kɛ sãã abolo kɛ haa yo mawu ɔ nɛ a tsɛɛ Hiɔwemanyɛ ɔ. Jehanɛ se hu, a kɛ wai sãã bɔ kɛ haa mawu kpahi, konɛ a kɛ wo ye mi mi la.

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

Ezekiel 20:39

Nyɔmtsɛ Yawɛ ke, “Amlɔ nɛ ɔ lɛɛ, nyɛ Israel bi, nyɛɛ pee nɔ́ nɛ nyɛ suɔ; nɔ tsuaa nɔ nɛ ya sɔmɔ e we amagahi. Se pee se ɔ, nyɛ maa bu mi tue kɛ̃; nyɛ be nyɛ we amaga amɛ ngɔe kɛ ble ye biɛ klɔuklɔu ɔ hu.

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

Yeremia 9:9

Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,