Yesaya 57:5 - BAIBLO ALOO NGMAMI KLƆUKLƆU Ɔ

⁵ Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.

Yesaya 57:5 ပူးပေါင်းရင်းမြစ်များ

Ezekiel 16:20

“Jehanɛ hu o bimɛ, nyumuhi kɛ yihi nɛ o fɔ ha mi ɔ, o gbe mɛ kɛ sã bɔ kɛ ja amagahi. Anɛ anɔkuale nɛ o yi mi nɛ ɔ pi ha mo,

Yesaya 1:29

Nyɛ ma pia nyɛ he kaa nyɛ ya ja tso ngua amɛ, nɛ zo kpɔtɔɔ maa gbe nyɛ ngɛ abɔɔhi nɛ nyɛ po ɔ a he.

Yeremia 7:31

A ya ma bɔ sami la tɛ ko ngɛ Hinom kɔ̃ ɔ mi, konɛ a sã a binyumu ɔmɛ, kɛ a biyi ɔmɛ ngɛ nɔ. A wo bɔ sami la tɛ ɔ biɛ ke Tofet. I wui mɛ mlaa ke a pee nɔ́ ko kaa kikɛ nɛ ɔ; nɔ́ nɛ ɔ bɛ ye yi mi po hyɛ.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Mose III, 18:21

Koo ngɔ o bimɛ ɔmɛ eko kɛ ha nɛ a sã ha mawu ɔ nɛ a tsɛɛ lɛ Molek ɔ. Ke o pee ja a, o gbe Yawɛ, o Mawu ɔ he guɛ.

Kpojemi 18:3

Ejakaa Babilon yakayaka ní peemi ɔmɛ ha nɛ je ɔ tsuo puɛ; ee, e ngɛ kaa nɔ́ nɛ wai nɛ nya wa nɛ e ha mɛ nɛ a nu. Je nɛ ɔ mi matsɛmɛ ɔmɛ tsuo kɛ lɛ bɔ ajuama, nɛ jua yeli tsuo gu e ní babauu ɔ nɔ nɛ a pee niatsɛmɛ.”

Ezekiel 20:31

Amlɔ nɛ ɔ po, nyɛ ngɔɔ nike níhi kɛ ya haa amagahi, nɛ nyɛ ngɔɔ nyɛ bimɛ ngɔ haa nɛ a sã mɛ ngɛ la mi; nyɛ jaa amagahi babauu kɛ bleɔ nyɛ he. Israel bi, enɛ ɔmɛ tsuo a se ɔ, nyɛ kpale baa ke a bi mi ní ha nyɛ. I be kplɛɛe nɛ nɔ ko ba bi mi ní ha nyɛ. Imi, Nyɔmtsɛ Yawɛ lɛ i de.

Ezekiel 20:26

I ha nɛ a ngɔ mɛ nitsɛmɛ a bɔhi kɛ ble a he, nɛ a ngɔ mɛ nitsɛmɛ a bitɛtehi hu kɛ sã bɔ. I ngɔ enɛ ɔ kɛ gbla a tue, konɛ a le kaa imi ji Yawɛ.

Ezekiel 6:13

A maa na nihi nɛ a kpata a hɛ mi ɔ a gbogboe ɔmɛ nɛ pueɔ si ngɛ amaga amɛ, kɛ bɔ sami la tɛ ɔmɛ a he tsuo kɛ kpe. A maa na gbogboe ɔmɛ ngɛ yokuhi nɛ ya hiɔwe, kɛ yohi tsuo a yi mi. A maa na mɛ ngɛ tsohi tsuo nɛ bɔ kusuu, kɛ tso ngua amɛ a sisi. Hehi tsuo nɛ a sãã bɔ nɛ jeɔ via ngɛ kɛ haa a we amaga amɛ hu a maa na a gbogboe ɔmɛ nɛ pueɔ si ngɛ lejɛ ɔmɛ ja nɔuu. Lɔ ɔ loko nyɛ ma na maa le kaa imi ji Yawɛ.

Yeremia 51:7

Babilonia ngɛ kaa sika tsu kplu ko ngɛ ye dɛ mi nɛ ha je ɔ tsuo tɔ dã. Je ma amɛ tsuo nu wai ngɛ kplu nɛ ɔ mi, nɛ a fo godo.

Yeremia 50:38

Pahi tsuo a mi nyu maa mii ta, nɛ nyu hwɔ maa ba zugba a nɔ! Amaga gbeyegbeyehi sɔuu ji zugba a nɔ, nɛ lɔ ɔmɛ ma mi bi ɔmɛ ngɔ a tsui kɛ ha.

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Kronika II, 28:3

E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.

Matsɛmɛ II, 17:10

A puɛ amagahi kɛ ha yo mawu Ashera a ngɛ yokuhi tsuo a nɔ, kɛ tsohi nɛ bɔ kusuu tsuo a sisi;

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Mose V, 12:2

Hehi nɛ je ma amɛ nɛ nyɛ yaa fie ɔ jaa a mawu ɔmɛ ngɛ, ngɛ yo gaga amɛ a nɔ, yoku ɔmɛ a nɔ, kɛ tso kusuu ɔmɛ a sisi ɔ, nyɛ kpata a hɛ mi.

Mose IV, 25:6

Benɛ Mose kɛ Israel ma kpekpemi ɔ bua a he nya, nɛ a wo yana ngɛ kpe he bo tsu ɔ sinya a nya a, Israel bi ɔmɛ a kpɛti nyumu ko ya wo Midian yo ko kɛ ba sɛ e bo tsu mi, ngɛ Mose kɛ ma a tsuo a hɛ mi paa.

Mose II, 32:6

E nɔ jena makɛ mla a, ma a te si nɛ a sã sami bɔhi, nɛ a kɛ tue mi jɔmi bɔhi hu ba. Ma a pue si, nɛ a ye ní, nɛ a nu ní; nɛ lɔ ɔ se ɔ, a fiɛ yo kɛ nyumu yakayaka fiɛmihi.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Matsɛmɛ II, 17:7

Nɔ́ nɛ kɛ nɔ́ nɛ ɔ ba ji, Israel ma a pee yayami kɛ si Yawɛ, a Mawu ɔ, nɔ nɛ kpɔ mɛ ngɛ Egipt matsɛ ɔ dɛ, nɛ e je mɛ kɛ je Egipt zugba a nɔ ɔ. A ya ja mawu kpahi.