Yesaya 57:4 - BAIBLO ALOO NGMAMI KLƆUKLƆU Ɔ

⁴ Mɛnɔ he fɛu nyɛ ngɛ yee ɔ? Nyɛ lakpatsɛmɛ, yayami peeli a bimɛ, mɛnɔ he nyɛ pa nyɛ nya mi hatoo, nɛ nyɛ je nyɛ lilɛ kpo bilaa kɛ wo ɔ?

Yesaya 57:4 ပူးပေါင်းရင်းမြစ်များ

2 Petro 2:13

nɛ ní yayamihi nɛ a pee ɔ, a maa na nɔ́ kɛ to nya. Piani ke a ngɛ yakayaka fiɛmihi fiɛe kikɛ nɛ ɔ, kɛkɛ a bua jɔ; zotsɛmɛ kɛ ahluatsɛmɛ ji mɛ. Benɛ a futu nyɛ kɛ ngɛ ní yee ɔ, jamɛ a be ɔ tsuo a ngɛ a yakayaka nyɛɛmi ɔmɛ nyɛɛe.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

La 35:21

A gbɛɔ a nya mi hatoo kɛ woɔ mi, nɛ a deɔ ke, “Ɛhɛɛ, wa na lɛ paa kɛ wɔ nitsɛmɛ wa hɛngmɛ.”

Mose II, 9:17

Akɛnɛ o ngɛ o he nɔ woe ngɛ ye ma a nɔ kɛ mwɔɔ, nɛ o ngmɛɛ we a he nɛ a ya he je ɔ,

Kolosebi 3:6

Nihi nɛ gboɔ tue, nɛ a peeɔ kikɛmɛ a ní nɛ ɔmɛ ɔ, Mawu kɛ mi mi fumi ma kple a nɔ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Ni Tsumi 9:4

Saulo tsɔ fia si, nɛ e nu gbi ko nɛ ngɛ lɛ bie ke, “Saulo, Saulo, mɛni he je o ngɛ mi yi mi wae?”

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Mateo 27:29

A pee mio jlasi ngɔ fi e yi, nɛ a ngɔ tso ha lɛ nɛ e hɛɛ ngɛ e hiɔ nine mi. Kɛkɛ nɛ a kpla si ngɛ e hɛ mi, nɛ a ye e he fɛu ke, “Wa nga mo oo, Yuda bi a matsɛ!”

Mateo 13:38

Ngmɔ ɔ ji je ɔ; wu kpakpa a ji matsɛ yemi mi bimɛ ɔmɛ; hu ɔ ji nɔ yayami ɔ bimɛ.

Hosea 10:9

Yawɛ ke, “Kɛ je be nɛ Israel pee yayami kɛ si mi ngɛ Gibea a, anɛ e sɛ kaa ta ba naa mɛ ngɛ Gibea lo?

Ezekiel 2:4

Ma nɛ e mi bi a tue wa, nɛ a bui mi a ngɔ i ngɛ mo tsɔe ɔ nɛ. Yaa de mɛ nɔ́ nɛ imi Nyɔmtsɛ Yawɛ i ngɛ mɛ dee ɔ.

Yesaya 37:29

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi; ma wo o nya mi dade, nɛ ma kpale mo kɛ gu blɔ nɛ o gu kɛ ba a nɔ.”

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 30:1

Yawɛ ke, “Musu tloo Yuda ma nimeli ɔmɛ, ejakaa a kua mi. A toɔ gahi, nɛ a peeɔ níhi ngɛ mɛ nitsɛmɛ a dɛ he. A kɛ nihi soɔ nɛ pi ye suɔmi nya. Bɔ nɛ a peeɔ kɛ tĩaa yayami ngɔ haa a he ji nɛ ɔ nɛ.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

La 69:12

Nihi nɛ hii si ngɛ agbo nya a, ye he munyu sɔuu a hii tue, nɛ dã deli ɔmɛ hu imi la a hii woe.

La 22:17

Ye wuhi tsuo pɛpɛɛpɛ je kpo. Nimli yayami ɔmɛ muɔ a hɛngmɛ ngɔ pue ye nɔ, nɛ a ngɛ ye he fɛu yee.

La 22:13

A gbɛɔ a nya mi hatoo kɛ woɔ mi kaa jata nɛ ngɛ huãe nɛ e hɛ mi pee klamaklama.

La 22:7

Nɔ tsuaa nɔ nɛ maa na mi ɔ, e yeɔ ye he fɛu. A plɛɔ a nya, nɛ a mimiɛɔ a yi.

Yoshua 10:21

Pee se ɔ, ma kpekpemi ɔ tsuo kpale kɛ ba Yoshua ngɔ ngɛ ma sito he ɔ ngɛ Makeda; nɔ kake po nɔɛ ngɛ ta a mi. Kɛ je enɛ ɔ se ɔ, nɔ ko nɔ ko hla we munyu ngɛ Israel bi ɔmɛ a he hu.

Mose IV, 16:11

Hyɛ, Yawɛ yi nɔ nɛ o kɛ o se nyɛɛli ɔmɛ tsuo ngɛ soe ɔ nɛ. Jehanɛ, Aaron ɔ lɛɛ mɛni e pee nyɛ loko nyɛ ngɛ nya si hɔɔe kɛ ngɛ lɛ woe ɔ?”

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

Yesaya 57:5

Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Yeremia 20:8

Daa nɛ ɔ, munyuhi nɛ maa je ye nya a, haomi kɛ yi wu tso níhi a he e kɔɔ. Yawɛ, daa nɛ ɔ, a ngɛ mi ahlua bɔe, nɛ a ngɛ ye he fɛu yee ngɛ o munyu ɔ nɛ i ngɛ fiɛe ɔ he.