Yesaya 57:20 - BAIBLO ALOO NGMAMI KLƆUKLƆU Ɔ

²⁰ Se yiwutsotsɛmɛ lɛɛ a ngɛ kaa wo nɛ gli nɛ e we oslɔke ɔmɛ ngɛ kue; a ngɛ kaa wo nɛ ngɛ mu níhi, kɛ mɔsɔ jee kɛ ngɛ he puee daa nɛ.

Yesaya 57:20 ပူးပေါင်းရင်းမြစ်များ

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Yesaya 3:9

A ní peepee yeɔ odase kɛ siɔ mɛ; ejakaa a jeɔ a hɛ mi paa kɛ peeɔ yayami kaa Sodom bi; a kɛ laa we. Musu tloo mɛ! Mɛ nitsɛmɛ nɛ a ye a he awi ɔ nɛ.

Yesaya 59:8

nɔ ko nɔ ko yi e he ngɛ he nɛ nyɛ ngɛ. Nɔ́ nɛ dɛ pɛ nyɛ peeɔ. Nyɛ blɔ ɔmɛ gɔdɔ, lɔ ɔ he ɔ, nɔ tsuaa nɔ nɛ nyɛɛɔ nyɛ se ɔ, e he mi jɔɛ lɛ gblegbleegble.

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Matsɛmɛ II, 6:11

Nɔ́ nɛ ɔ hao Siria matsɛ ɔ juɛmi; lɔ ɔ he ɔ, e tsɛ e tsɔli ɔmɛ nɛ e bi mɛ ke, “Nyɛ ti mɛnɔ lɛ ngɛ Israel matsɛ ɔ se? Anɛ nyɛ be mi dee lo?”

Yesaya 48:22

Yawɛ ke, “Yayami peeli be he jɔmi nae gblegbleegble.”