Yesaya 57:2 - BAIBLO ALOO NGMAMI KLƆUKLƆU Ɔ

² Nihi nɛ baa a je mi saminya, nɛ a peeɔ nɔ́ nɛ da a, ke a gbo ɔ, a naa tue mi jɔmi, kɛ he jɔmi.

Yesaya 57:2 ပူးပေါင်းရင်းမြစ်များ

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Luka 2:29

“Nyɔmtsɛ, jehanɛ lɛɛ o ye o siwo ɔ nɔ; lɔ ɔ he ɔ, ha nɛ imi, o tsɔlɔ ɔ ma gbo ngɛ tue mi jɔmi mi.

Hiob 3:17

Ngɛ gbeje ɔ, yiwutsotsɛmɛ jɔɔ nɔ haomi, nɛ nihi nɛ pɔ tɔ mɛ ɔ, jɔɔ a he.

2 Korintobi 5:8

Wa nɔ gbagba te, nɛ wa na nɛ wa je wa nɔmlɔ tso ɔ mi, nɛ wa ho nɛ waa kɛ Nyɔmtsɛ Yesu ya hi si.

Luka 7:50

Se Yesu de yo ɔ ke, “O hemi kɛ yemi he o yi wami; yaa ngɛ he jɔmi mi.”

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Kronika II, 16:14

nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

Luka 16:22

“Ohiatsɛ ɔ ba gbo, nɛ bɔfohi ba ngɔ lɛ kɛ ho Abraham mi si ya. Niatsɛ ɔ hu ba gbo, nɛ a pu lɛ.

Ezekiel 32:25

Elam hwɔɔ si kɛ piɛ ni nɛmɛ nɛ nɔ ngɛ ta mi ɔ a he. E ta buli kpekpemi ɔ a yɔkɔ ɔmɛ bɔle lɛ kɛ kpe. Ni nɛmɛ nɛ gbo ngɛ ta mi nɛ ɔ, mɛ tsuo mɔmlɔtɔtsɛmɛ ji mɛ. Benɛ a ngɛ wami mi ɔ, a wo nihi a he gbeye wawɛɛ; se jehanɛ lɛɛ a gbo kɛ fɔɔ si kɛ zo kpɔtɔɔ.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Yesaya 26:7

Nihi nɛ peeɔ nɔ́ kpakpa a, a blɔ da tlɔmɔɔ; mo lɛ o ha a blɔ da ja a nɛ.

Yesaya 14:18

Je ma amɛ a matsɛmɛ ɔmɛ tsuo hwɔɔ si kɛ hɛ mi nyami ngɛ yɔkɔ agbohi a mi,

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Daniel 12:13

“Mo Daniel, ye anɔkuale kɛ yaa si nyagbe. O ma ba gbo, se o maa te si ekohu, nɛ nyagbe ligbi ɔ, o nine maa su o blɔ fa mi nɔ́ ɔ nɔ.”

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”