Yesaya 57:16 - BAIBLO ALOO NGMAMI KLƆUKLƆU Ɔ

¹⁶ Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yesaya 57:16 ပူးပေါင်းရင်းမြစ်များ

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

La 85:5

Anɛ o mi mi ma fu wɔ daa lo? Anɛ o mi mi fumi ɔ ma tsa nɔ kɛ ya yi nɔhi tsuo lo?

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

Yeremia 10:24

Yawɛ, mo ka o ma a hɛ mi; ka wa hɛ mi bɔ pɛ nɛ sa kɛkɛ. Koo ngɔ abofu kɛ gbla wa tue; ke o pee ja a, wa hɛ mi ma kpata.

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Yeremia 38:16

Kɛkɛ nɛ Matsɛ Zedekia ka mi kita ngɛ laami mi ke, “I na Yawɛ hɛ kalɔ ɔ nɛ ha wɔ wami ɔ kaa i be mo gbee; nimli nɛ ngɛ mo hlae nɛ a gbe ɔ, mɛ hu i be mo ngɔe kɛ wo a dɛ mi.”

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Mose I, 6:3

Kɛkɛ nɛ Yawɛ de ke, “I be hae nɛ nɔmlɔ nɛ hi je mi kɛ ya neneene; ejakaa nɔ́ nɛ gboɔ ji lɛ. Kɛ je be nɛ ɔ mi kɛ yaa a, nɔmlɔ be yee pe jeha lafa kɛ nyingmi enyɔ.”

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Yeremia 3:5

Anɛ o mi mi ma fu mi daa kɛ yaa neneene lo?’ Israel, bɔ nɛ o deɔ ji nɛ ɔ nɛ; se kɛ̃ ɔ, o hɛ ngɛ o he nɔ nɛ o ngɛ ní yayamihi pee kɛ mwɔɔ.”

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.

Hiob 12:10

Níhi nɛ ngɛ hɛ ngmengmle tsuo, Mawu lɛ ha mɛ wami; nimli adesahi tsuo a wami ngɛ Mawu dɛ mi.

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.