Yesaya 57:14 - BAIBLO ALOO NGMAMI KLƆUKLƆU Ɔ

¹⁴ Yawɛ ke, “Nyɛ ha ye ma a nɛ kpale kɛ ba ye ngɔ. Nyɛ je blɔ tsimi nɔ́ tsuaa nɔ́ kɛ je a blɔ mi! Nyɛɛ je gbɛjegbɛ saminyayoo ha mɛ!

Yesaya 57:14 ပူးပေါင်းရင်းမြစ်များ

Yesaya 62:10

Yerusalem bi, nyɛɛ je kpo; nyɛɛ gu agbo ɔmɛ a mi kɛ je kpo! Nyɛɛ je gbɛjegbɛ kɛ ha ma a; nyɛ kukuɔ a nɔ tɛhi tsuo. Nyɛɛ si aflangaa nɛ je ma amɛ nɛ a na.

Yesaya 40:3

Gbi ko ngɛ pɛe ke, “Nyɛ dla blɔ ngɛ nga a nɔ ha Yawɛ! Nyɛɛ je gbɛjegbɛ tlɔmɔɔ ngɛ nga kplanaa a nɔ ha wa Mawu ɔ!

Yesaya 35:8

A maa je gbɛjegbɛ ko ngɛ lejɛ ɔ, nɛ a ma tsɛ lɛ ke “Blɔ klɔuklɔu.” Yayami peelɔ ko yayami peelɔ ko be nyɛe ngɛ jamɛ a blɔ ɔ nɔ gblegbleegble; nɛ blɔ hialɔ kuasia ko be tlae kɛ ba blɔ nɛ ɔ nɔ.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, i be lo yee hu gblegbleegble, konɛ ma ko ha nɛ ye nyɛmi ɔ nɛ pee yayami.

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

Hebribi 12:13

Nyɛɛ nyɛɛ blɔ nɛ da nɔ, konɛ glɔ̃ nane ɔ kó to kpa, se mohu a tsa lɛ.

2 Korintobi 6:3

Wa bɔɔ mɔde kaa wa ko ngɔ nɔ́ ko kɛ tsi nɔ ko blɔ, bɔ nɛ pee nɛ a ko gbe sɔmɔmi ní tsumi nɛ wa hɛɛ mi ɔ he guɛ.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

1 Korintobi 8:9

Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

La 68:4

Nyɛ la ha Mawu; nyɛ la kɛ je e biɛ ɔ yi. Nɔ nɛ hii si ngɛ bɔku ɔmɛ a nɔ kɛ ngɛ nyɛɛe ɔ, nyɛ la kɛ je e yi. Yawɛ ji e biɛ; nyɛ la kɛ bua jɔmi ngɛ e hɛ mi.

Yesaya 49:11

“Ma je blɔ kɛ nyɛɛ yo ɔmɛ a nɔ, nɛ ma pee gbɛjegbɛ ha ye ma a.