Yesaya 57:13 - BAIBLO ALOO NGMAMI KLƆUKLƆU Ɔ

¹³ Benɛ nyɛ ngɛ ngmlaa kpae kɛ ngɛ balɔ tsɛe ɔ, nyɛ ha nɛ nyɛ amaga babauu ɔmɛ nɛ a je ngmlaa ha nyɛ koo! Kɔɔhiɔ kɛkɛ po maa bɛɛ mɛ tsuo kɛ ho; mumi nɛ a woɔ si kake pɛ ma fli mɛ kɛ ho. Se ni nɛmɛ nɛ ngɔɔ a hɛ ngɔ fɔɔ ye nɔ ɔ, a maa hi zugba a nɔ, nɛ a ma ja mi ngɛ ye yo klɔuklɔu ɔ nɔ.”

Yesaya 57:13 ပူးပေါင်းရင်းမြစ်များ

La 37:9

Ejakaa a ma kpata yayami peeli a hɛ mi. Se ni nɛmɛ nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ a nine maa su zugba a nɔ.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

Yesaya 65:25

Ogbetee kɛ jijɔ ma bla kɛ ye ní; jata ma kpe nga kaa na; nɛ sinɔ lɛɛ zu e maa ye. Nɔ ko be e nyɛmi awi yee, nɛ nɔ ko be e nyɛmi hɛ mi kpatae ngɛ ye yo klɔuklɔu ɔ nɔ. Imi, Yawɛ lɛ i de.”

Yesaya 56:7

“Ma ngɔ nyɛ kɛ ba Zion, ye yo klɔuklɔu ɔ nɔ; ma ha nyɛ bua maa jɔ ngɛ ye sɔlemi we ɔ, nɛ bɔ ɔmɛ tsuo nɛ nyɛ maa sã ngɛ ye bɔ sami la tɛ ɔ nɔ ɔ, ma he. Ejakaa a ma tsɛ ye we ɔ je mahi tsuo a sɔlemi we.”

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Yoel 3:17

“Israel, jamɛ a be ɔ mi nɛ o ma na maa le kaa imi ji Yawɛ, o Mawu ɔ nɛ. I hii Zion yo klɔuklɔu ɔ nɔ. Yerusalem maa pee ma klɔuklɔu; nibwɔhi be nyɛe ma ba tua ma a gblegbleegble hu.

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Yesaya 66:20

Jamɛ a be ɔ, a kɛ a nyɛmimɛ Israel fɔfɔɛhi tsuo nɛ ngɛ je ma amɛ a mi ɔ maa ba; a maa ngɔ mɛ ba ke imi Yawɛ kaa bɔ. A maa ngɔ mɛ kɛ ba ye yo klɔuklɔu ɔ nɔ ngɛ Yerusalem. A maa hi okpɔngɔhi, teji okpɔngɔhi, kɛ afukpɔngɔhi a nɔ kɛ ba. A maa hi ta zugba lɛhi, kɛ apakɛɛhi hu a mi. A maa hɛɛ a nyɛmimɛ ɔmɛ kɛ maa ba kaa bɔ nɛ Israel bi hɛɛɔ a ngma bɔ ngɛ níhi nɛ a he tsɔ mi kɛ baa Yawɛ we ɔ.

Yesaya 65:9

Ma ha Yakob nina babauu. Ma ha Yuda bi ɔmɛ ma ba hi yo ɔmɛ a nɔ; lejɛ ɔ tsuo maa pee ye sɔmɔli nɛ i hla nɛ ɔ a nɔ́.

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

Manyadali 10:14

Nyɛɛ ya nɛ nyɛ ya kpa ngmlaa kɛ tsɛ mawu ɔmɛ nɛ nyɛ hla kɛ ha nyɛ he ɔ; nyɛ ha nɛ a he nyɛ yi wami ngɛ nyɛ we amanehlu be nɛ ɔ mi!”

Hosea 13:3

Lɔ ɔ he ɔ, ma ha nɛ a hɛ mi ma kpata si kake too, nɛ a be mɛ nae hu, kaa mɔtu bɔku, loo bɔ́, loo jakati nɛ kɔɔhiɔ muɔ kɛ je ngma mi sami he, loo la su ku nɛ je la su ku tɔ mi.

Yeremia 22:22

Kɔɔhiɔ maa muɔɔ nyɛ hɛ mi nyɛɛli ɔmɛ tsuo kɛ ho; a maa nuu nyɛ huɛmɛ ɔmɛ nyɔguɛ; a maa bɔ nyɛ ma amɛ ahlua ngɛ ní yayamihi tsuo nɛ nyɛ pee ɔ a he.

Yeremia 22:20

Yerusalem ma, nyɛɛ ya nɛ nyɛ ya kpa bubuubui ngɛ Lebanon. Nyɛɛ ya Bashan nɛ nyɛ ya kpa bubuubui ngɛ lejɛ ɔ. Nyɛ ya kpa kuu ngɛ Moab yo ɔmɛ a nɔ, ejakaa a kpata nyɛ huɛmɛ ɔmɛ tsuo a hɛ mi.

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yesaya 40:24

A ngɛ kaa tso tsɔwi nɛ a du kɛ we, nɛ́ a sipokuhi mɛ si kpakpa ko lolo. Ke Yawɛ ha kɔɔhiɔ fia kɛ gu a nɔ kɛkɛ a gbliɔ, nɛ kɔɔhiɔ bɛɛɔ mɛ kɛ yaa kaa nga.

Abɛ Womi 28:25

Nɔ nɛ hɛ tsuɔ ɔ, pɛ wolɔ ji lɛ. Se nɔ nɛ ngɔɔ e he kɛ fɔɔ Yawɛ nɔ ɔ, níhi a mi hii ha lɛ.

La 84:12

Yawɛ Tabohiatsɛ lee, nihi nɛ ngɔɔ a hɛ kɛ fɔɔ o nɔ ɔ, a gbaa mɛ!

La 58:9

Loko a hɛ maa ba a he nɔ ɔ, a poo mɛ ngɔ pue he kaa nga. Mawu maa ngɔ e mi mi la a kɛ bɛɛ mɛ kɛ ho be mi nɛ a ngɛ hɛ ngmengmle.

La 1:4

Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa.

Hiob 21:18

Anɛ Mawu muɔ yayami peeli kɛ ho hyɛ kaa bɔ nɛ kɔɔhiɔ muɔɔ bunyuku, aloo bɔ nɛ ahumi muɔɔ tsakati kɛ yaa a lo?

Matsɛmɛ II, 3:13

Elisha de Israel matsɛ ɔ ke, “Mɛni sane i kɛ mo ngɛ? Yaa o tsɛ kɛ o nyɛ a gbali ɔmɛ a ngɔ.” Israel matsɛ ɔ de lɛ ke, “Dɛbi, Yawɛ ji nɔ nɛ ngɔ wɔ matsɛmɛ etɛ nɛ ɔmɛ kɛ wo Moab matsɛ ɔ dɛ mi ɔ nɛ.”

La 118:8

E hi kaa o sa we ngɛ Yawɛ ngɔ, pe nɔ́ nɛ o maa ngɔ o hɛ kɛ fɔ nɔmlɔ nɔ.

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

La 37:11

Nihi nɛ a he jɔ ɔ, mɛɛ a maa hi zugba a nɔ ngɛ kplɔkɔtɔ, kɛ tue mi jɔmi mi.

La 37:22

Nihi nɛ Yawɛ gbaa mɛ ɔ, a nine maa su zugba a nɔ. Se ni nɛmɛ nɛ e gbiɛ mɛ ɔ, mɛɛ lɛɛ a ma kpata a hɛ mi.

La 37:29

Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.

La 37:34

Ngɔɔ o hɛ ngɔ fɔ Yawɛ nɔ, nɛ o ye e mlaa amɛ a nɔ; nɛ e ma ha nɛ o nine maa su zugba a nɔ. Ke a ngɛ yayami peeli a hɛ mi kpatae ɔ, o hɛngmɛ kɛkɛ o kɛ maa hyɛ mɛ.

Yesaya 45:20

Yawɛ ke, “Nyɛ je ma amɛ tsuo, nyɛ nihi nɛ nyɛ yi na wami ɔ, nyɛ bua nyɛ he nya kɛ ba! Nyɛ nihi nɛ hɛɛɔ tso amagahi kɛ hii nyɛɛe, nɛ nyɛ hii sɔlee ha mawuhi nɛ be yi wami nyɛe ma he, nyɛ li nɔ́ ko nɔ́ ko fɛɛ!

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.