Yesaya 57:11 - BAIBLO ALOO NGMAMI KLƆUKLƆU Ɔ

¹¹ Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Yesaya 57:11 ပူးပေါင်းရင်းမြစ်များ

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

Yeremia 3:21

Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

1 Timoteo 4:2

A maa pee a he lakpatsɛmɛ, kɛ nɔ sisili nɛ a he nile gbo pɛsɛpɛsɛ.

2 Tesalonikabi 2:9

Dikalɔ ɔ maa ba kɛ Abosiami he wami, nɛ e ma ba pee lakpa nyakpɛ ní, kɛ okadi slɔɔtohi.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Hosea 11:12

Yawɛ ke, “Lakpa sɔuu Israel ma a ngɛ yee, nɛ a ngɛ nihi sisie ngɛ ye hɛ mi paa. Se imi Mawu, i le bɔ nɛ Yuda hu ngɛ kɛ ba si amlɔ nɛ ɔ. Yuda ma a ngɛ imi Nɔ Klɔuklɔu ɔ anɔkuale yee kɛ mwɔɔ.

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

Yeremia 42:20

kaa blɔ nɛ nyɛ hia a, blɔ ɔ dɛ, nɛ tue gblami nɛ maa nyɛɛ se ɔ, nyɛɛ kɛ nyɛ wami ma he. Nyɛ de mi ke ma kpa Yawɛ, wa Mawu ɔ pɛɛ ha nyɛ, nɛ nyɛ wo si ke nɔ́ tsuaa nɔ́ nɛ Yawɛ ma fa nyɛ ke nyɛɛ pee ɔ, nyɛ maa pee.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

La 78:36

Se munyuhi nɛ jeɔ a nya a, lakpa sɔuu; a de we nɔ́ ko kɛ ji a tsui mi.

Yesaya 42:14

Mawu ke, “I pee kpoo hluu; i ma ye nya, nɛ i ye ye he nɔ. Se jehanɛ lɛɛ be ɔ su; ma kpa ngmlaa kaa yo nɛ nu kɔɔmi, ma kɛmɛ kaa nɔ nɛ mumi nya ngɛ tae.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 47:7

E pee mo kaa o maa ye manyɛ daa, lɔ ɔ he ɔ, o susuu we ní nɛ ɔmɛ a he, bɔ nɛ a nyagbe maa ba ha hu, o bui.

Yeremia 38:19

Se Matsɛ Zedekia de mi ke, “Wa nyɛmimɛ Hebri bi ɔmɛ nɛ tu fo kɛ ya piɛ Babilonia bi ɔmɛ a he ɔ, i ngɛ gbeye yee kaa a maa ngɔ mi kɛ wo mɛ mohu a dɛ, nɛ a maa pee mi basabasa.”

Mateo 25:25

Lɔ ɔ he ɔ, i ye gbeye, nɛ i ya tsua si, nɛ i pu o sika a. Ne o ní!’