Yesaya 57:1 - BAIBLO ALOO NGMAMI KLƆUKLƆU Ɔ

¹ Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Yesaya 57:1 ပူးပေါင်းရင်းမြစ်များ

Matsɛmɛ I, 14:13

Israel ma a tsuo maa nyɛ ya ha lɛ, nɛ a maa pu lɛ. Lɛ pɛ ji Yeroboam we ɔ mi bi nɛ a maa pu lɛ saminya, ejakaa lɛ pɛ ji nɔmlɔ nɛ Yawɛ, Israel Mawu ɔ ná e he tsui ngɛ Yeroboam we ɔ mi.

Matsɛmɛ II, 22:20

Lɔ ɔ he ɔ, tue gblami nɛ i kɛ maa ba Yerusalem nɔ ɔ, moo lɛɛ o be nae kɛ o hɛngmɛ; ma ha nɛ o ma gbo, nɛ a maa pu mo ngɛ he jɔmi mi loko tue gblami nɛ ɔ maa ba.” Tsɔli ɔmɛ kpale a se, nɛ a kɛ sɛ gbi nɛ ɔ ya ha Matsɛ Yosia.

Kronika II, 32:33

Hezekia ba gbo, nɛ a pu lɛ ngɛ matsɛmɛ ɔmɛ a gɔ ɔ mi, ngɛ yiti je ɔ. Benɛ e gbo ɔ, Yuda kɛ Yerusalem tsuo wo e hɛ mi nyami. Hezekia bi Manase ba ye matsɛ ngɛ e se.

Kronika II, 34:28

Enɛ ɔ he je ɔ, tue gblami nɛ i to nɛ e ba ma nɛ ɔ, kɛ ma mi bi ɔmɛ a nɔ ɔ, i be hae nɛ o na kɛ o hɛngmɛ. O ma ba gbo nɛ a maa pu mo ngɛ he jɔmi mi loko ma pee nɔ́ nɛ ɔ.” Kɛkɛ nɛ ni ɔmɛ kpale a se nɛ a kɛ sɛ gbi nɛ ɔ ba ha Matsɛ Yosia.

Kronika II, 35:24

E tsɔli ɔmɛ je lɛ ngɛ ta zugba lɛ ɔ mi kɛ wo ta zugba lɛ enyɔne ɔ nɛ e hɛɛ kɛ ba a mi, nɛ a kɛ lɛ ba Yerusalem. Lejɛ ɔ e ba gbo ngɛ, nɛ a pu lɛ ngɛ matsɛmɛ ɔmɛ a yɔkɔ ɔmɛ eko mi. Yuda ma a, kɛ Yerusalem ma mi bi ɔmɛ tsuo nyɛ ya ha lɛ.

La 12:1

Yawɛ, moo piɛ wa he, ejakaa nɔmlɔ kpakpa be hu; anɔkualetsɛmɛ ta zugba a nɔ.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yesaya 47:11

Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Yesaya 47:7

E pee mo kaa o maa ye manyɛ daa, lɔ ɔ he ɔ, o susuu we ní nɛ ɔmɛ a he, bɔ nɛ a nyagbe maa ba ha hu, o bui.

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 22:10

Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Ezekiel 21:3

imi Yawɛ, nɔ́ nɛ i ngɛ dee ji i kɛ mo ná. Ma hia ye klaate kɛ je e kpo ɔ mi, nɛ ma kpata nɔ tsuaa nɔ hɛ mi, dalɔ jio, yayami peelɔ jio.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Mose IV, 23:10

Yakob nina ngɛ kaa bunyuku; a he hiɛ babauu, nɛ nɔ ko be nyɛe maa kane mɛ. Ha nɛ ye nyagbe nɛ pee kaa Mawu bi ɔmɛ a ti nɔ kake. Ha nɛ ma gbo ngɛ tue mi jɔmi mi kaa dalɔ.”