Yesaya 56:8 - BAIBLO ALOO NGMAMI KLƆUKLƆU Ɔ

⁸ Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Yesaya 56:8 ပူးပေါင်းရင်းမြစ်များ

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Mika 4:6

Yawɛ ke, “Nihi nɛ i gbla a tue, nɛ a na nɔ́ ngɛ nyɔguɛ si himi mi ɔ, be ma, nɛ ma bua jamɛatsɛmɛ ɔmɛ a nya ekohu.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Yeremia 30:17

Nyɛ he nyɛli tsɛɔ nyɛ ke nihi nɛ a fie mɛ; a deɔ ke, ‘Zion nɛ be huɛ.’ Se kɛ̃, ma ha nɛ nyɛ ma na he wami ekohu; ma tsa nyɛ pa amɛ. Imi, Yawɛ lɛ i de.”

Yesaya 49:22

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma fɔ̃ je ma amɛ nine; ni ɔmɛ tsuo maa na okadi ɔ, nɛ a maa hɛɛ nyɛ binyumu ɔmɛ ngɛ a gugue mi, nɛ a kɛ nyɛ biyi ɔmɛ maa fɔ a konɔ kɛ ba.

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Yesaya 43:6

Ma de omleyi je ke, ‘Ngmɛɛ a he nɛ a ho,’ nɛ ma de leneyi je hu ke, ‘Koo tsi a nya. Nyɛ ha nɛ ye ma a nɛ kpale kɛ ba, kɛ je zugba amɛ a nɔ ngɛ tsitsaa lokoo ngɛ je ɔ mi tsuo.

La 147:2

Yawɛ ngɛ Yerusalem sisi toe ekohu; e ngɛ Israel bi ɔmɛ nɛ gbɛ fĩa a a nya buae kɛ ba.

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Yohane 7:35

Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”