Yesaya 56:3 - BAIBLO ALOO NGMAMI KLƆUKLƆU Ɔ

³ Nubwɔ nɛ kɛ e he ba mɛtɛ Yawɛ ma a he ɔ, e ko de ke, “Yawɛ be suɔe kaa ma piɛ e ma mi bi ɔmɛ a he kɛ ja lɛ.” Nyumu nɛ a puɛ lɛ, nɛ e be bi ɔ, e ko susu kaa Mawu be lɛ ngɔe kɛ piɛ e ma a he.

Yesaya 56:3 ပူးပေါင်းရင်းမြစ်များ

Kronika II, 6:32

“Ja kɛ̃, ke nubwɔ ko nɛ je ma se lokoo nu o biɛ, o he wami kpetekpleenyɛ ɔ, kɛ ní nguanguahi nɛ o peeɔ kɛ haa o ma Israel ɔ he, nɛ e ba konɛ e ba fa kue ha mo ngɛ we nɛ ɔ mi ɔ,

Ester 9:27

Yuda bi ɔmɛ wo mlaa nɛ fɔɔ si daa kɛ ha mɛ nitsɛmɛ, kɛ a nina, kɛ nɔ ko nɛ ma ba pee Yuda no ɔ tsuo, kaa daa jeha, ngɛ be nɛ a to ɔ mi tutuutu ɔ, a ye ligbi enyɔ nɛ ɔmɛ kaa bɔ nɛ Mordekai ngma a pɛpɛɛpɛ.

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Yesaya 39:7

A maa nuu mo nitsɛ o bimɛ ɔmɛ ekomɛ po kɛ ya Babilonia; a maa puɛ mɛ, nɛ a ma ya sɔmɔ ngɛ Babilonia matsɛ we ɔ mi.”

Yesaya 56:5

ye ma a ma kai o biɛ ngɛ ye we ɔ pe binyumuhi, loo biyihi nɛ o ngɛ po. Ma ha mo biɛ kpakpa nɛ a ma kai kɛ maa ya neneene.”

Yesaya 56:6

Jehanɛ, nibwɔhi nɛ kɛ a he ba mɛtɛ ma a he, nɛ a suɔ Mawu sane, nɛ a jaa lɛ, nɛ a yeɔ Hejɔɔmi ligbi ɔ kɛ e somi ɔ nɔ pɛpɛɛpɛ ɔ, bɔ nɛ Yawɛ ngɛ mɛ dee ji,

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Mose III, 21:20

kpotsɛ jio, akɔtia jio, nɔ nɛ hɛngmɛ hiɔ ngɛ e he jio, nɔ nɛ he womi nɔ hiɔ yaya ngɛ e he jio, nɔ nɛ sungmɛ mi wu ywia jio.

Mose III, 25:45

Jehanɛ hu, nyɛ ma nyɛ ma he nibwɔhi nɛ ba to nyɛ ngɛ zugba a nɔ ɔ a bimɛ nɛ a fɔ ngɔ wo nyɛ kpɛti ɔ, nɛ a maa pee nyɛ weto ní.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Mose IV, 18:4

A maa piɛ nyɛ he kɛ tsu ní tsumi tsuaa ní tsumi ngɛ kpe he bo tsu ɔ mi; nɔ kpa ko nɛ ko ba nyɛ kasa nya.

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.

Ni Tsumi 17:4

Ni ɔmɛ a ti ni komɛ he ye kaa Paulo munyu ɔ ngɛ mi, nɛ a kɛ a he ya bɔ Paulo kɛ Sila a he. Hela bi Mawu gbeye yeli ɔmɛ a ti nihi babauu, kɛ yi komɛ nɛ a buu mɛ hu ya piɛ a he ja nɔuu.

Ni Tsumi 18:7

Lɔ ɔ he ɔ, e si lejɛ ɔ, nɛ e ho ya to ma je no Mawu jalɔ ko nɛ a tsɛɛ lɛ Titio Yusto ɔ we mi, nɛ e kɛ lɛ hi si. E we ɔ tsa kpe he ɔ nɔ.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

1 Korintobi 6:17

Ke nɔ ko ngɔ e he ngɔ ha Nyɔmtsɛ ɔ, lɔ ɔ lɛɛ e kɛ lɛ pee kake ngɛ mumi mi.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

Mose V, 23:9

“Ke o hia ta nɛ o kɛ o he nyɛli yaa kpe ɔ, moo hyɛ saminya nɛ o ko pee nɔ́ ko nɛ ma ble mo.

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.