Yesaya 56:12 - BAIBLO ALOO NGMAMI KLƆUKLƆU Ɔ

¹² Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Yesaya 56:12 ပူးပေါင်းရင်းမြစ်များ

La 10:6

E deɔ ngɛ e yi mi ke, “Nɔ́ ko nɔ́ ko be mi pee; haomi ko be ye nɔ bae gblegbleegble.”

Yesaya 5:22

Musu tloo nyɛ! Nyɛ nihi nɛ nyɛ peeɔ kã ngɛ dã tɔmi he! Ke e su dã nɛ nya wa futumi nɔ ɔ, kɛkɛ nyɛ he mi wa nyɛ.

Abɛ Womi 27:1

Koo fĩa kɛ fɔ hwɔɔ nɔ, ejakaa kɛ je mwɔnɛ ɔ kɛ yaa si hwɔɔ ɔ, o li nɔ́ nɛ maa ba ngɛ mi.

1 Korintobi 15:32

Ke je nɛ ɔ mi níhi a he lɛ i kɛ lohwe dikali ɔmɛ hwu ta ngɛ ngɛ Efeso ɔ, lɛɛ mɛni se i na mɔ? (Efeso bi a ngɛ dee ɔ nɛ). Se ke a be ni gbogboehi si tlee kɛ ba wami mi ekohu ɔ, lɛɛ kaa bɔ nɛ a pɔɔ demi ɔ, “Nyɛ ha waa ye ní nɛ wa nu ní, ejakaa hwɔɔ pɛ wa gbo.”

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Abɛ Womi 23:35

O ma de ke, “A fia mi ní, se i nui he fɛɛ; a fia mi kpa, lɔ ɔ hu i nui he! Mɛni be ye hɛ maa tsɛ? Aa, ma hla dã bɔɔ nɛ ma nu ekohu!”

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yesaya 5:11

Musu tloo nyɛ! Nyɛ tee si makɛ mla, kɛkɛ nyɛ bɔni dã numi, nɛ gbɔkuɛ hu nyɛ hii si be fuu kɛ tɔɔ dã kpɔtɔɔ.

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!