Yesaya 55:3 - BAIBLO ALOO NGMAMI KLƆUKLƆU Ɔ

³ “Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yesaya 55:3 ပူးပေါင်းရင်းမြစ်များ

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Samuel II, 23:5

Kikɛ nɛ ɔ Mawu maa gbaa ye weku kɛ nina. Mawu kɛ mi so neneene somi, somi nɛ a be mi poe gblegbleegble. Nɔ́ nɛ i ngɛ hlae ɔ pɛ ji nɛ ɔ nɛ; e maa pee ye kunimi yemi, nɛ Yawɛ ma ha nɛ e ba mi.

Samuel II, 7:29

Lɔ ɔ he ɔ, i kpa mo pɛɛ nɛ o ya nɔ nɛ o gbaa imi, o tsɔlɔ ɔ, ye nina daa. Mo Nyɔmtsɛ Yawɛ lɛ o wo si; lɔ ɔ he ɔ, o gbaami maa hi imi, o tsɔlɔ ɔ, ye nina nɔ kɛ maa ya neneene.”

Kronika II, 6:42

Yawɛ Mawu, matsɛ ɔ nɛ o pɔ lɛ nu ɔ, koo je e se. Mo kai suɔmi nɛ o ngɛ kɛ ha o tsɔlɔ David ɔ.”

La 119:112

I to ye yi mi kaa ma ye o mlaa amɛ a nɔ daa; ma ye a nɔ kɛ yaa si ye gbenɔ ligbi.

La 119:175

Ha nɛ ye yi nɛ na wami, konɛ ma je o yi; ha nɛ o mlaa amɛ nɛ a tsɔɔ mi blɔ.

La 78:1

Ye ma, nyɛɛ bu nɔ́ nɛ ma tsɔɔ nyɛ nɛ ɔ tue; nyɛɛ bu ye nya mi munyu ɔmɛ tue.

La 89:28

Ma suɔ lɛ, nɛ ma na lɛ mɔbɔ daa; somi nɛ i kɛ lɛ so ɔ se be poe gblegbleegble.

La 89:29

E weku kpa se be poe gblegbleegble; e maa hi kaa bɔ nɛ hiɔwe ngɛ ɔ pɛpɛɛpɛ. Daa nɛ ɔ, e nina ko maa hi sɛ ɔ nɔ.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Abɛ Womi 4:20

Ye bi, bu ye munyu ɔmɛ tue, nɛ o nu nɔ́ nɛ i ngɛ mo dee ɔ saminya.

Abɛ Womi 7:2

Mlaahi nɛ i wo mo ɔ, ye a nɔ, konɛ o yi nɛ na wami. Moo ye ye munyu ɔmɛ a nɔ fitsofitso kaa bɔ nɛ o baa mo nitsɛ o hɛngmɛ yi ɔ.

Yesaya 51:4

“Ye ma, nyɛɛ bu mi tue, nyɛ ta tue ha nɔ́ nɛ i ngɛ dee ɔ. Ma ngɔ ye mlaa kɛ ha je ma amɛ; nɛ lɔ ɔ maa pee kaa la ha mɛ.

Yesaya 54:10

Yo ɔmɛ, kɛ yoku ɔmɛ maa ywia pue si, se suɔmi nɛ i ngɛ kɛ ha mo ɔ se be poe. Somi nɛ i kɛ mo so kaa ma ha o tue mi nɛ jɔ mo ɔ, ma ye nɔ kɛ maa ya neneene.” Imi Yawɛ, o mɔbɔ nalɔ ɔ nɛ i de.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Yeremia 33:26

Ní nɛ ɔmɛ nɛ i nyɛ pee he je ɔ, somi nɛ i kɛ Yakob nina, kɛ ye tsɔlɔ David so ɔ hu ma ye nɔ sisiisi. Ma hla David nina ko nɛ e ye Abraham, Isak, kɛ Yakob a nina a nɔ. Ma na ye ma a mɔbɔ, nɛ ma ha nɛ a ma ná a he ekohu.”

Yeremia 38:20

I de lɛ ke, “Dɛbi, a be mo ngɔe kɛ wo a dɛ. I kpa mo pɛɛ nɛ o bu Yawɛ sɛ gbi nɛ i kɛ ha mo nɛ ɔ tue. Ke o pee ja a, e maa hi ha mo, nɛ o yi ma na wami.

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Ezekiel 16:60

Se kɛ̃ ɔ, imi lɛɛ ma kai si nɛ i wo mo benɛ o ji yiheyo ɔ. I kɛ mo maa kpale so somi ko nɛ maa hi si daa.

Ezekiel 34:24

Imi Yawɛ, ma pee a Mawu, nɛ ye tsɔlɔ David maa ye ganɔ ha mɛ. Imi Yawɛ lɛ i de.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

Amos 5:4

Bɔ nɛ Yawɛ ngɛ Israel ma a dee ji nɛ ɔ nɛ: “Nyɛɛ kpale kɛ ba nɛ nyɛ ba pee ye ma ekohu, konɛ nyɛ yi nɛ na wami.

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Mateo 13:16

“Se nyɛɛ lɛɛ a gbaa nyɛ pɛ! Nyɛ hɛngmɛ ngɛ nɔ́ hyɛe, nɛ nyɛ tue ngɛ nɔ́ nue.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.

Yohane 6:37

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Yohane 7:37

Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Yohane 8:47

Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”

Ni Tsumi 13:34

Jehanɛ, bɔ nɛ Mawu de ngɛ si nɛ e ma tle Yesu kɛ je gbeje nɛ e be puɛe ngɛ yɔkɔ mi gblegbleegble ɔ he ji nɛ ɔ nɛ: ‘Se moo lɛɛ ma gbaa mo kɛ ní klɔuklɔuhi nɛ ngɛ daa kaa bɔ nɛ i wo David hu si ɔ.’

Romabi 10:5

Nɔ nɛ Mose ngma ngɛ nɔmlɔ nɛ a buu lɛ nɔ nɛ da ngɛ mlaa a nɔ nɛ e yeɔ ɔ he ji nɛ ɔ nɛ: “Nɔ tsuaa nɔ nɛ yeɔ mlaa a nɔ fitsofitso ɔ, e yi ma na wami.”

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,