Yesaya 55:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Kuuwi, nyɛ nihi tsuo nɛ kuma ngɛ nyɛ yee, nyu babaaba ngɛ hiɛ ɔ ha nyɛ! Nyɛ nihi nɛ nyɛ be sika hu, nyɛɛ ba; nyɛ ba he niye ní nɛ nyɛɛ ye! Nyɛɛ ba nyɛ ba he dã, kɛ na nyɔ nyu e hia we sika; a jua we!

Yesaya 55:1 ပူးပေါင်းရင်းမြစ်များ

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

La 143:6

I woɔ ye nine nɔ kɛ yaa hiɔwe kɛ faa kue. Bɔ nɛ zugba gbigbli hlaa nyu kɛ jɔɔ e he ɔ, ja o he kuma ngɛ mi yee.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Mateo 13:44

“Hiɔwe matsɛ yemi ɔ ngɛ kaa kikɛ nɛ ɔ: Nyumu ko ya na juetli ngɛ zugba ko mi. Benɛ e na juetli ɔ, e ngɔ laa ekohu. Bua jɔmi sɔuu nɛ e na he je ɔ, e ho nɛ e ya jua níhi tsuo nɛ e ngɛ ɔ, nɛ e kɛ he jamɛ a ngmɔ ɔ.

Mateo 10:8

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

Yesaya 52:3

Bɔ nɛ Yawɛ ngɛ e ma a dee ji nɛ ɔ nɛ: “Tsa pi sika nɛ a kɛ he nyɛ kɛ pee nyɛ nyɔguɛ, lɔ ɔ he ɔ, a kɛ sika be nyɛ kpɔe.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

Romabi 3:24

Se Mawu gu dloomi nɛ e kɛ haa je ɔ yaka a nɔ kɛ wo nihi tsuo nguɔ. E pee enɛ ɔ kɛ gu Kristo Yesu nɛ ha a ye a he ɔ nɔ.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Abɛ Womi 8:4

“Nyɛ nimli adesahi lee! I ngɛ nyɛ tsɛe oo! Nyɛ tsuo pɛpɛɛpɛ, nyɛɛ bu mi tue!

Mateo 26:29

I ngɛ nyɛ dee ke, i be wai nɛ ɔ nue hu gblegbleegble kɛ yaa si ligbi ɔ nɛ i kɛ nyɛ maa nu wai he ɔ ngɛ Tsaatsɛ matsɛ yemi ɔ mi.”

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

1 Korintobi 3:2

I ha nyɛ nyɔ nyu, se pi niye ní nɛ jiɔ; ejakaa jamɛ a be ɔ, nyɛ nyɛ we nɛ nyɛɛ ye niye ní nɛ jiɔ. Amlɔ nɛ ɔ tete po nyɛ nyɛ we kɛ mwɔɔ.

Zakaria 10:7

Israel bi a he maa wa kaa ta buli, a bua maa jɔ kaa nihi nɛ ngɛ wai nue. A nina maa na nɔ́ nɛ ɔ, nɛ a ma nya nɔ́ nɛ imi Yawɛ, i pee ha mɛ ɔ he.

Zakaria 2:6

Yawɛ de e ma a ke, “I gbɛ nyɛ fĩa je kɔ nya eywiɛ ɔmɛ tsuo. Se jehanɛ lɛɛ nyɛ nihi nɛ a nuu kɛ ho ma se ya, esɔ nɛ nyɛɛ tu fo kɛ je Babilonia kɛ ba Yerusalem.

Rut Womi 4:1

Boaz ho ya hi si ngɛ kpe he ɔ ngɛ ma a agbo ɔ nya. Kɛkɛ nɛ e na Elimelek weku no ɔ nɛ e tu e he munyu ɔ nɛ bee. Boaz tsɛ lɛ nɛ e de lɛ ke, “Ye huɛ, ba nɛ o ba hi si ngɛ hiɛ ɔ.” E ba nɛ e ba hi si.

Lahi 1:2

Mo fiɔ ye nya he si abɔ nɛ o suɔ. O suɔmi ɔ ngɔɔ pe wai dɔkɔdɔkɔ.

Kɔmɔ Yemi 5:4

Nyu nɛ wa nuu ɔ po e hia kaa waa wo he hiɔ; nɛ lɛ́ nɛ wa ma slɛ hu ja wa he kɛ sika.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

Ni Tsumi 8:20

Se Petro de lɛ ke, “O kɛ o sika a tsuo hɛ mi nɛ kpata, ejakaa o susuu kaa Mawu nɔke nɔ́ ɔ, sika a kɛ heɔ!

Abɛ Womi 9:5

“Ba nɛ o ba ye ye ní ɔ eko, nɛ o nu wai nɛ i futu ɔ hu eko!

Ezekiel 47:1

Nyumu ɔ ngɔ mi kɛ ba Yawɛ we ɔ agbo ɔ nya ekohu. Nyu hia kɛ je kpoku ɔ sisi, nɛ e be kɛ yaa beleku je, he nɛ Yawɛ we ɔ plɛ e hɛ mi kɛ kpee ɔ. Nyu ɔ hia kɛ je we ɔ leneyi je kɛ ya be ngɛ bɔ sami la tɛ ɔ leneyi je.

Ezekiel 47:9

He tsuaa he nɛ pa nɛ ɔ maa be ngɛ ɔ, lohwe nane eywiɛɛywiɛtsɛmɛ slɔɔtoslɔɔtohi maa bɔ ngɛ lejɛ ɔ, nɛ a ma na pa mi lo babauu. Ke e ya sɛ Ngo wo ɔ mi ɔ, Ngo wo ɔ ma plɛ pee nyu mua, nɛ wami he maa ba he tsuaa he nɛ pa nɛ ɔ maa be ngɛ ɔ.

Abɛ Womi 9:1

Nile ma tsu, nɛ e ma titima kpaago kɛ ha tsu ɔ.

Yesaya 1:19

Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.