Yesaya 54:4 - BAIBLO ALOO NGMAMI KLƆUKLƆU Ɔ

⁴ Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Yesaya 54:4 ပူးပေါင်းရင်းမြစ်များ

Hiob 11:16

Kɛkɛ ɔ, o haomi ɔmɛ tsuo a se maa po kaa pa nɛ hia kɛ ba be be ko; nɛ o be mɛ kaie hu.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 29:22

Lɔ ɔ he ɔ, jehanɛ, bɔ nɛ Yawɛ, Israel Mawu ɔ nɛ he Abraham yi wami kɛ je amanehlu mi ɔ ngɛ dee ji nɛ ɔ nɛ: “Ye ma, zo be nyɛ gbee hu; a be nyɛ hɛ mi si puee hu.

Yesaya 4:1

Jamɛ a be ɔ, yihi kpaago ma ya nu nyumu kake nɛ a ma de lɛ ke, “Wa kpa mo pɛɛ, wɔ nitsɛmɛ wa maa lɛ wa he, nɛ wɔ nitsɛmɛ wa maa bɔ wa heha ní he mɔde, se ngmɛɛ wɔ blɔ nɛ wa tsɛ mo ke wa huno kɛkɛ, konɛ a ko ba bɔ wɔ ahlua hu.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 50:7

Se enɛ ɔmɛ tsuo pee we mi nɔ́ ko, ejakaa Nyɔmtsɛ Mawu ɔ piɛ ye he, nɛ zo gbi mi. Lɔ ɔ he ɔ, i nu ye tsui, nɛ i wlua mi, ejakaa i le kaa zo be mi gbee.

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Yesaya 61:7

Zo nɛ gbe nyɛ, kɛ nyɛ hɛ mi nɛ pue si ɔ, lɛ tsuo nya maa be. Nyɛ maa hi nyɛ nitsɛmɛ nyɛ zugba nɔ jehanɛ; nyɛ ma na ní babauu nitsɛ pe sa a, nɛ nyɛ bua maa jɔ kɛ maa ya neneene.

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

Yeremia 31:19

Jinɛ wa je o se, se wa pia wa he, nɛ wa tsake wa tsui. Benɛ o gbla wa tue se ɔ, wa ywilɛ ho wa he. Zo gbe wɔ kpɔtɔɔ; ejakaa wa pee yayamihi babauu ngɛ wa nihe mi.’

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Ezekiel 16:22

Benɛ o ngɛ ní hiemi ní nɛ ɔmɛ tsuo pee, nɛ́ o ngɛ ajuama bɔe basaa a, o kaii we gblee kaa o yihe be mi ɔ, o hɛɛɔ o he gu pasaa kɛ hii si wue ngɛ o muɔ mi.”

Ezekiel 16:43

O kaii we nɔ́ nɛ i pee ha mo ngɛ o yihe mi ɔ, se mohu o ngɔ je mi bami yaya nɛ ɔmɛ tsuo kɛ wo ye mi mi la. Lɔ ɔ he nɛ i ha o na a he hiɔwo sisiisi ɔ nɛ. Se mɛni he je po nɛ o kpale ngɔ ajuama bɔmi basaa kɛ piɛ yayamihi nɛ o pee ɔ a he ɔ?” Nyɔmtsɛ Yawɛ lɛ de.

Ezekiel 36:15

He guɛ gbemi, kɛ ahlua bɔmi munyuhi nɛ je ma amɛ tuɔ ɔ, zugba a be tue bue hu. Zugba a be e bimɛ ɔmɛ a hɛ mi kpatae hu. Imi, Nyɔmtsɛ Yawɛ lɛ i de.”

Yoel 2:21

“Nyɛ ngmɔhi, nyɛ ko ye gbeye, se mohu nyɛ bua nɛ jɔ nɛ nyɛ nya ngɛ ní nguanguahi nɛ Yawɛ pee ha nyɛ ɔ he.

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”