Yesaya 54:2 - BAIBLO ALOO NGMAMI KLƆUKLƆU Ɔ

² Bli o bo tsu ɔ mi; bli bo tsu ɔ mi gbajaa, tsa kpa amɛ a nɔ, nɛ o ka tso plɛɛko ɔmɛ kɛ wo zu mi nɛ a he nɛ wa!

Yesaya 54:2 ပူးပေါင်းရင်းမြစ်များ

Yesaya 33:20

Hyɛ, Zion, ma nɛ wa yeɔ wa nyami ligbi ɔmɛ ngɛ mi ɔ ji nɛ ɔ nɛ! Yerusalem, ma nɛ tue mi jɔmi ngɛ mi ɔ ji nɛ ɔ nɛ! Yerusalem ngɛ kaa bo tsu nɛ maa si nɛ be si nɔe gblegbleegble. Tso plɛɛkohi nɛ a ka kɛ wo zu mi ɔ ekoeko be hiae; tangme kpa amɛ hu be tsɔe.

Mose II, 39:40

bo ɔmɛ nɛ kplaa si ngɛ kpe he bo tsu ɔ piɛ ɔ he ɔ, e titima amɛ kɛ e nɔ dami ní ɔmɛ, piɛ ɔ nya bo ɔ, e he tangme ɔmɛ kɛ e he plɛɛko ɔmɛ, kɛ níhi tsuo nɛ a ngɔ kɛ tsu ní ngɛ kpe he bo tsu ɔ mi ɔ;

Yeremia 10:20

Wa bo tsu ɔmɛ puɛ; kpahi nɛ fi mɛ ɔ tsɔ. Wa bimɛ ɔmɛ tsuo je wa he; nɔ ko nɔ ko be nɛ maa ngɔ wa bo tsu ɔmɛ kɛ ma si ekohu ha wɔ; nɔ ko nɔ ko be nɛ maa ngɔ bo ɔmɛ kɛ kpla bo tsu ɔmɛ a he ekohu.”

Mose II, 35:18

kpe he bo tsu ɔ he plɛɛko ɔmɛ, piɛ ɔ he plɛɛko ɔmɛ, kɛ a tangme ɔmɛ;

Mose I, 26:22

Isak hia kɛ je lejɛ ɔ nɛ e ya tsua vu kpa. Lɔ ɔ lɛɛ pɛ ko ti si ngɛ he; lɔ ɔ he ɔ, e wo jamɛ a vu ɔ biɛ ke Rehobot, nɛ e de ke, “Jehanɛ lɛɛ Yawɛ ha wɔ blɔ; wa maa hi zugba nɛ ɔ nɔ, nɛ wa ma plɔke ngɛ hiɛ ɔ.”

Yesaya 26:15

Yawɛ, mo lɛ o ha wa ma a he hiɛ babauu; o bli wa huzu ɔmɛ a mi kɛ kpe, nɛ enɛ ɔ ha o hɛ mi ba nyami.

Mika 7:11

Nyɛ Yerusalem bi, be ma nɛ a maa fia gbogbo kɛ wo nyɛ ma a he ekohu. Jamɛ a be ɔ, a maa hɛ nyɛ huzu ɔ mi kɛ maa ya se tsitsaa.