Yesaya 54:16 - BAIBLO ALOO NGMAMI KLƆUKLƆU Ɔ

¹⁶ “Imi ji nɔ nɛ bɔ sɔ̃lɔ nɛ huu la mi, nɛ e sɔ̃ɔ̃ ta hwumi níhi. Imi nɔuu ji nɔ nɛ bɔ ta hwulɔ ɔ nɛ ngɔɔ ta hwumi dade kɛ kpataa nɔ hɛ mi.

Yesaya 54:16 ပူးပေါင်းရင်းမြစ်များ

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Yesaya 46:11

I ngɛ nɔ ko tsɛe kɛ je beleku je; e he maa sɔ kaa kayo kɛ ba kple si, nɛ e ma ba tsu níhi nɛ i to nɛ ma pee ɔ. Bɔ nɛ i de ɔ, ja pɛpɛɛpɛ e maa ba mi.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Yesaya 37:26

“Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Samuel I, 13:19

Sɔlɔ ko sɔlɔ ko be Israel zugba a nɔ tsuo; ejakaa Filisti bi ɔmɛ fia pɛɛ si kaa a be hae nɛ Hebri bi ɔmɛ nɛ a sɔ klaatehi, loo akplɔhi kɛ ha a he.

Yesaya 54:15

Ke nɔ ko ba tua mo ɔ, pi imi nɛ i tsɔ lɛ; nɔ tsuaa nɔ nɛ ma ba tua mo ɔ, jamɛ a nɔ ɔ be mo nyɛe.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Zakaria 1:20

Jehanɛ Yawɛ tsɔɔ mi ga ní tsuli eywiɛ.

Zakaria 2:1

I na nina kpa ko hulɔ. I na nɛ nyumu ko hɛɛ nɔ́ susumi kpa ngɛ e dɛ mi.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.