Yesaya 54:10 - BAIBLO ALOO NGMAMI KLƆUKLƆU Ɔ

¹⁰ Yo ɔmɛ, kɛ yoku ɔmɛ maa ywia pue si, se suɔmi nɛ i ngɛ kɛ ha mo ɔ se be poe. Somi nɛ i kɛ mo so kaa ma ha o tue mi nɛ jɔ mo ɔ, ma ye nɔ kɛ maa ya neneene.” Imi Yawɛ, o mɔbɔ nalɔ ɔ nɛ i de.

Yesaya 54:10 ပူးပေါင်းရင်းမြစ်များ

La 46:2

Lɔ ɔ he ɔ, ke zugba mimiɛ, nɛ yohi hia kɛ ya pue wo mi po, wa be gbeye yee.

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Malaki 2:5

“I wo mɛ si ke ma ha mɛ wami, kɛ tue mi jɔmi, nɛ i pee ja konɛ a bu mi. Niinɛ, jamɛ a be ɔ mi ɔ, a buu mi, nɛ a yeɔ mi gbeye.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Samuel II, 23:5

Kikɛ nɛ ɔ Mawu maa gbaa ye weku kɛ nina. Mawu kɛ mi so neneene somi, somi nɛ a be mi poe gblegbleegble. Nɔ́ nɛ i ngɛ hlae ɔ pɛ ji nɛ ɔ nɛ; e maa pee ye kunimi yemi, nɛ Yawɛ ma ha nɛ e ba mi.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Hebribi 12:27

Munyu, “Si kake ekohu” ɔ, tsɔɔ paa kaa níhi nɛ a bɔ nɛ a mimiɛ ɔ maa je a hi he, konɛ níhi nɛ a be nyɛe ma mimiɛ ɔ nɛ a hi si daa.

Kpojemi 6:14

Hiɔwe hɛ lɛ kɛ ho kaa womi kpo nɛ a hluɛ̃, nɛ yohi, kɛ zugba kpɔhi nɛ wo bɔle mɛ kɛ kpe tsuo hia kɛ je a blɔ hehi.

Mose IV, 25:12

Lɔ ɔ he ɔ, mo de lɛ ke, i kɛ lɛ ngɛ he jɔmi somi soe.

La 102:26

Ní nɛ ɔmɛ a hɛ mi ma kpata; se moo lɛɛ o ngɛ kɛ yaa neneene. Ee, mɛ tsuo a ma ba pee momo kaa bɔ nɛ bo he ba peeɔ bo momo ɔ. O ma sake mɛ kɛ fɔ he kaa bɔ nɛ a sakeɔ bo momo kɛ fɔɔ he ɔ. Nɛ a maa laa kulaa.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

Yeremia 31:36

Yawɛ ngɛ si woe ke, be abɔ nɛ adebɔ mlaa nɛ ɔ ngɛ nɛ e se pui ɔ, ja nɔuu kɛ̃ nɛ Israel ma a hu be gue.

Yeremia 33:20

“I kɛ piani kɛ nyɔ so somi, nɛ enɛ ɔ he je ɔ, piani kɛ nyɔ baa ngɛ a be mi pɛpɛɛpɛ daa ligbi. Jamɛ a somi ɔ, nɔ ko nɔ ko be nyɛe maa po mi.

Ezekiel 16:42

Kɛkɛ ɔ, ye mi mi la a nya maa ba si, nɛ ye hɛ be dɔe kɛ wo mo hu. Ma pee dii, nɛ ye mi mi be fue kɛ wo mo hu.

La 46:3

Ke wo ɔ gli, nɛ oslɔke ɔmɛ ku kɛ ngmlaa hoo, nɛ e ha yo ɔmɛ mimiɛ po, wa be gbeye yee.

Yesaya 49:15

Lɔ ɔ he ɔ, Yawɛ he nɔ ke, “Anɛ binyɛ hɛ maa je lɛ nitsɛ e bi nɛ ngɛ nyɔ nya nɔ lo? Anɛ e be suɔmi kpo jee kɛ tsɔɔ e bi ɔ lo? Ke binyɛ hɛ maa je e bi nɔ po, imi lɛɛ ye hɛ be o nɔ jee kɔkɔɔkɔ.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.