Yesaya 53:5 - BAIBLO ALOO NGMAMI KLƆUKLƆU Ɔ

⁵ A plaa lɛ ngɛ wa yayami ɔmɛ a he, a fiaa lɛ ní ngɛ wa tɔmi ɔmɛ a he, a gbla e tue, konɛ wa na he jɔmi, a wo e he pa, konɛ wɔɔ lɛɛ wa na tsami.

Yesaya 53:5 ပူးပေါင်းရင်းမြစ်များ

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Hebribi 10:14

Enɛ ɔ tsɔɔ kaa bɔ kake too ɔ nɛ Kristo ngɔ e he kɛ sã a ha nɛ nihi tsuo nɛ Mawu tsu a he ɔ hi kɛ pi si kɛ yaa neneene.

Romabi 4:25

Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

Hebribi 10:10

Yesu Kristo pee Mawu suɔmi nya ní; e ngɔ e nɔmlɔ tso ɔ kɛ sã bɔ si kake too nyɔngloo, nɛ e kɛ je wɔ tsuo wa he yayami.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Hebribi 5:8

Mawu Bi ji lɛ mohu, se kɛ gu amanehlu nɛ e na a mi ɔ, e kase tue bumi.

Mose V, 11:2

Nyɛ kai mwɔnɛ ɔ, níhi nɛ nyɛ kase ngɛ Yawɛ he, bɔ nɛ nyɛ nitsɛmɛ nyɛ kpa lɛ si ha. Tsa pi nyɛ bimɛ, se nyɛ nitsɛmɛ nɛ nyɛ kpa ní nɛ ɔmɛ a si ɔ lɛ e ngɛ dee ɔ nɛ. Nyɛ na kaa Yawɛ kle, e kɔni si wa; e nyɛɔ peeɔ nɔ́ tsuaa nɔ́,

La 30:2

Yawɛ, ye Mawu, i fa kue ha mo, nɛ o tsa mi.

Abɛ Womi 20:30

Tue gblami nɛ nya wa tsakeɔ wa ní peemi ní yayamihi.

Yesaya 6:7

E ngɔ la ngu hɛuu ɔ ngɔ sa ye nya he nɛ e de ke, “Hyɛ, nɛ nɔ́ nɛ ɔ sa o nya he nɛ ɔ, a ngɔ o he yayami ɔmɛ ngɔ pa mo, nɛ piami ko be o he hu.”

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Yesaya 57:18

“I na níhi nɛ a ngɛ pee ɔ, se ma tsa mɛ. Ma tsɔɔ mɛ blɔ, nɛ ma piɛ a he; nɛ ma wo kɔmɔ yeli ɔmɛ bua!

Hiob 33:24

Mawu bɔfo ɔ maa na lɛ mɔbɔ. E ma de ke, “Nyɛɛ ngmɛɛ e he; e be gbeje yae! Nɔ́ nɛ a kɛ ma kpɔ lɛ konɛ e ye e he ji nɛ ɔ nɛ.”