Yesaya 53:4 - BAIBLO ALOO NGMAMI KLƆUKLƆU Ɔ

⁴ “Haomi kɛ pimi nɛ ko ba wa nɔ ɔ, lɛ mohu e ya da nya ha wɔ. Se wɔɔ lɛɛ, wa susu kaa Mawu lɛ ngɔ ní nɛ ɔmɛ tsuo kɛ ngɛ e tue gblae.

Yesaya 53:4 ပူးပေါင်းရင်းမြစ်များ

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Mateo 8:17

E pee enɛ ɔ, konɛ nɔ́ nɛ gbalɔ Yesaya de ɔ nɛ ba mi ke, “E ngɔ wa dengme ɔmɛ ngɔ fɔ e nɔ, nɛ e tsa wa hiɔ ɔmɛ.”

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”

La 69:26

Ejakaa nihi nɛ o gbla a tue ɔ, a waa mɛ yi mi; nihi nɛ o plaa mɛ ɔ, a pa amɛ a he ní a sɛɛɔ.

Mateo 26:37

E ngɔ Petro, kɛ Zebedeo binyumuhi enyɔ ɔmɛ ngɔ piɛ e he. Aywilɛho nu lɛ, nɛ e hao;

Romabi 4:25

Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

Mose III, 16:10

Nɔ́ nɛ Azazel nɔ́ ɔ je ɔ, a kɛ ba Yawɛ hɛ mi hɛ ngmengmle, nɛ a kɛ ba kpata Yawɛ ha ma a. Lɔ ɔ se ɔ, a je lɛ we kɛ ho nga a nɔ ya kɛ ya ha Azazel.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

La 69:8

I plɛ pee nubwɔ ha ye nyɛmimɛ; i plɛ pee nɔ kpa ngɛ ye weku li a kpɛti.

La 69:27

Gbla a tue sisiisi ngɛ a tɔmi ɔmɛ a he; koo ngɔ ekoeko kɛ pa mɛ kɔkɔɔkɔ.