Yesaya 53:12 - BAIBLO ALOO NGMAMI KLƆUKLƆU Ɔ

¹² Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yesaya 53:12 ပူးပေါင်းရင်းမြစ်များ

Luka 22:37

Ejakaa ngmami ɔ nɛ deɔ ke, ‘A bu lɛ ngɔ ta yayami peeli a he’ ɔ, ye he a ngma ngɛ. Nɛ nɔ́ tsuaa nɔ́ nɛ ngmami ɔ deɔ ngɛ ye he ɔ, ja e ba mi.”

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

1 Yohane 2:12

Ye bimɛ tsɔwi, i ngɛ nyɛ womi nɛ ɔ ngmae, ejakaa Kristo he ɔ, a ngɔ nyɛ he yayami ɔmɛ ngɔ pa nyɛ.

Marko 15:27

A sɛu awi yeli enyɔ hu ngɔ piɛ e he; nɔ kake ngɛ e hiɔ nɔ, nɛ nɔ kake ngɛ e muɔ nɔ. [

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

Yesaya 53:8

A ye sane yaya kɛ bu lɛ gbenɔ fɔ, nɛ a nu le kɛ ho. Ejakaa a ngɔ e wami kɛ je zugba a nɔ. Tɔmihi nɛ ye ma a tɔ ɔ, a he a gbe lɛ ngɛ.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

La 2:8

Bi mi, nɛ ma ha mo je ma amɛ tsuo; zugba a tsuo ma ba pee o weto ní.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Luka 23:25

E ngmɛɛ nɔ nɛ a ngɛ hlae ɔ he ha mɛ, nɔmlɔ nɛ a wo lɛ tsu kaa e tsɔ atuã, nɛ e gbe nɔmlɔ hulɔ ɔ. Se Yesu ɔ lɛɛ, e ngɔ lɛ ngɔ ha nɛ a ya sɛu lɛ kaa bɔ nɛ a ngɛ hlae nɛ e pee ɔ.

Mateo 26:42

Yesu pue nɔ kɛ ho si enyɔne, nɛ e ya sɔle ke, “Tsaatsɛ, ke a be amanehlu kplu nɛ ɔ jee kɛ je ye he kɛ ya se, nɛ ja i nu ɔ, lɛɛ a pee bɔ nɛ o suɔ.”

Daniel 2:45

O na hu kaa tɛ ko hia kɛ je yo ɔ mi nɛ nɔ ko nine sɛ́ he; tɛ nɛ ɔ ba fia amaga a nɛ a kɛ dade, akɔblee, zu, sika hiɔ, kɛ sika tsu pee ɔ. Mawu nɛ kle agbo ɔ je nɔ́ nɛ maa ba hwɔɔ se ɔ kɛ tsɔɔ mo. I sɛɛ nlami ɔ kɛ ha mo kaa bɔ nɛ o nla a sisiisi, nɛ i tsɔɔ mo sisi pɛpɛɛpɛ.”

Yesaya 52:15

Se jehanɛ lɛɛ e he maa pee je mahi babauu nyakpɛ; nɛ matsɛmɛ pohu a nya maa kpɛ a he wawɛɛ. Ejakaa nɔ́ ko nɛ a de we mɛ hyɛ ɔ, a maa na, nɛ nɔ́ ko nɛ a nui hyɛ ɔ, a maa nu sisi jehanɛ.”

Yesaya 52:13

Yawɛ ke, “Ye tsɔlɔ ɔ maa ye manye ngɛ e ní tsumi mi; a ma wo e nɔ gojoo, nɛ a maa wo e hɛ mi nyami babauu!

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Marko 15:28

Nɛ ngmami ɔ nɛ de ke, “A bu lɛ ngɔ si yayami peeli nɔ” ɔ ba mi.]

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Mose II, 15:9

He nyɛlɔ ɔ ke, ‘Ma nyɛɛ a se nɛ ma ya na mɛ; ma dla ta ní ɔmɛ ngɛ ye suɔmi nya. Ma hia ye ha a, nɛ ma kpata a hɛ mi.’

Hiob 30:16

Amlɔ nɛ ɔ, ye gbenɔ be su ta; jehanɛ lɛɛ, ye haomi ɔ nya ba wa tsɔ.

Yesaya 49:4

Se imi lɛɛ, i de ke, “I gbo dengme yaka gu; i puɛ ye he wami tsuo yaka; i na we se ko.” Se kɛ̃ ɔ, Yawɛ, ye Mawu ɔ maa ye ye sane ɔ ha mi, e maa pee mi kpakpa.