Yesaya 52:6 - BAIBLO ALOO NGMAMI KLƆUKLƆU Ɔ

⁶ Be ma nɛ nyɛ maa le kaa imi ji Mawu; nyɛ maa le kaa imi lɛ i kɛ nyɛ tu munyu ɔ nɛ.”

Yesaya 52:6 ပူးပေါင်းရင်းမြစ်များ

Ezekiel 20:44

Nyɛ Israel bi, nyɛ maa na hu kaa ye biɛ Yawɛ ɔ, i sume kaa e puɛ. Lɔ ɔ he nɛ i kɛ nyɛ to we ní ngɛ nyɛ yayami ɔmɛ a he ɔ nɛ.” Nyɔmtsɛ Yawɛ lɛ de.

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Mose II, 33:19

Yawɛ de Mose ke, “Ma ha ye hɛ mi nyami ɔ tsuo maa be ngɛ o hɛ mi, nɛ ye biɛ nɛ ji Yawɛ ɔ hu ma wo nɔ ta ngɛ o hɛ mi. Nihi nɛ sa dloomi ɔ, ma dloo mɛ; nɛ ni nɛmɛ nɛ sa mɔbɔ nami ɔ, ma na mɛ mɔbɔ.”

La 48:10

Mawu, dami sane pɛ o yeɔ; nɛ kaa bɔ nɛ o biɛ ngɛ pɛe ɔ, a ngɛ o yi jee ngɛ je ɔ mi tsuo.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 42:9

Nyɛɛ hyɛ koo! Níhi nɛ i de to blema a ba mi. Jehanɛ, ma gba nyɛ níhi nɛ maa ba. I ngɛ nyɛ dee loko a ba mi.”

Mose II, 6:3

I je ye he kpo tsɔɔ Abraham, Isak, kɛ Yakob kaa Mawu Ope; se ye biɛ Yawɛ ɔ lɛɛ i ha we nɛ a le.

Mose II, 3:13

Mose bi Mawu ke, “Ke i ya Israel bi ɔmɛ a ngɔ, nɛ i ya de mɛ ke, ‘Mawu ɔ nɛ nyɛ nɛmɛ ja lɛ ɔ tsɔ mi nyɛ ngɔ,’ nɛ a bi mi ke, ‘Kɛ a tsɛɛ lɛ kɛɛ?’ ɔ, kɛ ma de mɛ kɛɛ?”

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”